18. júní 2024

Söngvakeppni á Skógardeginum mikla sem fagnar 20 ára afmæli í ár

Tuttugu ár eru nú frá því að Skógardagurinn mikli var haldinn í fyrsta sinn. Dagskráin hefst föstudaginn 21. júní með undanúrslitum í söngvakeppni sem efnt var til í tilefni afmælisins og svo verður keppt til úrslita á laugardaginn. Að auki verður fjölbreytt dagskrá, meðal annars hin árlega Íslandsmeistarakeppni skógarhöggsmanna, veisla í skóginum, skemmtidagskrá á sviði, leikir og fleira.

18. júní 2024

Líf í lundi um Jónsmessuna

Ýmsir viðburðir verða í skógum um allt land um Jónsmessuna undir yfirskriftinni Líf í lundi eins og undanfarin ár. Meginþungi Lífs í lundi þetta árið verður laugardaginn 22. júní og verður ýmislegt skemmtilegt og fróðlegt í boði sem fyrr!

14. júní 2024

Fregnir af heilsu og blómgun trjáa óskast

Nú er komið sumar og allt farið að lifna í kringum okkur, líka skaðvaldarnir! Land og skógur óskar eftir upplýsingum um skaðvalda á trjám og öðrum gróðri hvaðanæva af landinu. Sömuleiðis er óskað frétta af blómgun trjátegunda og hvort útlit er fyrir góðan fræþroska í haust.

13. júní 2024

Hæg sumarkoma á Tunguheiði

Sumarið gengur rólega í garð á Tunguheiði í upplöndum Bláskógabyggðar. Gróður er þar seinn á ferðinni eins og víða annars staðar, ekki síst til heiða og fjalla. Uppgræðsluaðgerðum sem hófust á heiðinni 1997 er að mestu lokið en borið verður á valin svæði þar í sumar. Síðan verður landið afhent eigendum á ný, sem er harla sjaldgæfur viðburður þegar uppgræðslusvæði eru annars vegar.

6. júní 2024

Losun vegna landnotkunar eykst en binding eykst í skógum

Á Loftslagsdegi Umhverfisstofnunar sem fram fór fyrir skömmu var farið yfir þróun losunar og bindingar á Íslandi. Í ljós kom að árið 2022 jókst heildarlosun Íslands um tæplega eitt prósent frá árinu á undan. Losun vegna landnotkunar jókst um sömu tölu en fram kom einnig að binding skóglendis hefur sautjánfaldast frá árinu 1990. Tölur um losun og bindingu í landnotkunarflokknum eru meðal annars byggðar á umfangsmikilli vinnu sérfræðinga Lands og skógar.

6. júní 2024

Saga Gunnarsholts - útgáfuhóf

Út er komin bókin Saga Gunnarsholts á Rangárvöllum sem Sveinn Runólfsson, fyrrverandi landgræðslustjóri, hefur ritað. Af því tilefni efnir bókaútgáfan Sæmundur ásamt höfundi til útgáfuhófs í Gunnarsholti í samvinnu við Land og skóg.

3. júní 2024

Ráðherra heimsækir Land og skóg

Þrjú málefni voru sérstaklega viðruð við Bjarkey Olsen Gunnarsdóttur matvælaráðherra í heimsókn hennar til Lands og skógar í liðinni viku. Þetta eru annars vegar tvö stór viðfangsefni sem fram undan eru hjá stofnuninni, gerð jarðvegskorts fyrir Ísland og kortlagning ræktunarlands, en hins vegar nýtt fræhús í Vaglaskógi sem nauðsynlegt er til að auka megi framleiðslu á úrvalsefniviði af lerki, svokölluðum 'Hrymi'.

22. maí 2024

Vöktum landið saman!

Land og skógur auglýsir eftir áhugasömu fólki sem vill taka þátt í vöktunarverkefninu Landvöktun - lykillinn að betra landi. Þátttakendur leggja þar með lóð á vogarskálarnar við söfnun gagna sem notuð eru við mat á ástandi gróðurs og jarðvegs á öllu landinu.

21. maí 2024

Vöktun íslenskra skóga stærsta verkefnið

Af þeim verkefnum sem sinnt er á sviði rannsókna og þróunar hjá Landi og skógi er viðamest að halda utan um úttekt á íslenskum skógum. Ný rannsókn er að hefjast á vistkerfi blandaðra skóga með áherslu á líffjölbreytni.

21. maí 2024

Reglugerð um sjálfbæra landnýtingu undirrituð

Bjarkey Olsen Gunnarsdóttir matvælaráðherra hefur undirritað reglugerð um sjálfbæra landnýtingu sem tekur gildi 1. september. Drög að reglugerðinni voru kynnt í samráðsgátt í janúar og hafa þau tekið breytingum með hliðsjón af þeim athugasemdum sem fram komu á samráðstímanum.