Ráðstefnan fer fram á ensku undir yfirskriftinni „Developing Forest Soil Monitoring System for the Future“.

MoniForSoil er norrænt samstarfsnet sem styrkt er af norræna skógrannsóknarsamstarfinu SNS – Nordic Forest Research. Það er mikilvægur vettvangur fyrir fræðafólk sem vinnur að jarðvegsvöktun á Norðurlöndum og í Eystrasaltsríkjum, auk þess sem það þjónar sem umræðugrundvöllur fyrir önnur lönd á norðurhveli jarðar, eins og Kanada og Japan.

Markmið samstarfsnetsins eru meðal annars að fjalla um nýja löggjöf Evrópusambandsins um jarðvegsvöktun (EU Soil Monitoring Law) og greina hvaða mælikvarðar endurspegla raunverulega heilsu jarðvegs í vistkerfum barrskóga og tempraðra skóga. Einnig er lögð áhersla á að efla miðlun þekkingar og samræmingu gagna milli teyma sem sinna jarðvegsvöktun, auk þess sem stuðlað er að fjölgun nemendaverkefna sem nýta gögn frá fleiri en einu landi.

Skráningu lýkur 5. ágúst.

Hagnýtar upplýsingar

• Kostnaður: Ráðstefnukostnaður er 14 þúsund krónur. Innifalið er kaffi, hádegismatur og kvöldverður auk skoðunarferðar.

• Þátttaka á vefnum: Hægt verður að fylgjast með ráðstefnunni í streymi.

• Skráning: Fer fram á vefnum og síðasti skráningardagur 5. ágúst.

• Skipuleggjendur: Ráðstefnan er skipulögð af Helenu Mörtu Stefánsdóttur, helena.stefansdottir@landogskogur.is, og Kristínu Sveiney Baldursdóttur, kristin.baldursdottir@landogskogur.is.

Dagskrá

Þriðjudagur 2. september á Hótel Örk, Hveragerði

08.30-09.00 Kaffi og skráning

09.00-09.15 Inngangsávarp – Helena Marta Stefánsdóttir
09.15-09.50 Forests and Afforestation in Iceland – Bjarni D. Sigurðsson
09.50-10.25 Icelandic Soils: Characteristics, Challanges and Restoration Perspectives – Susanne C. Möckel

10.25-10.40 Kaffi

10.40-11.10 Root systems – Challenges and Opportunities – Ivika Ostonen
11.10-11.30 Diversity of Soil Bacterial and Fungal Communities Across Successional Stages in Icelandic Birch Forests – Hilmar Njáll Þórðarson
11.30-12.00 Pallborðsumræður

12.00-13.00 Hádegisverður

13.00-13.30 Opportunities and Challenges for Monitoring Soil Across Forest and Other Land Uses – Aleksi Lehtonen
13.30-14.00 Results from NorForSoil – Similarities and Differences Among Monitoring Systems for Boreal and Temperate Forest Soils – Shun Hasegawa
14.00-14.20 Forest Soil Monitoring in Japan – Current Practices and Key Challenges – Shoji Hashimoto

14.20–14.30 Kaffi

14.30-14.50 Special Challenges in Monitoring Emissions from Naturally Drained and Rewetted Organic Soils – Including LULUCF Reporting – Aldis Butlers
14.50-15.10 Lessons Learned from Existing Monitoring of Forest Soil Biodiversity Using eDNA – Christine Martineau and Johan Stendahl
15.10-15.40 Pallborðsumræður
15.40-15.50 Kynning á skoðunarferð, Aðalsteinn Sigurgeirsson
16.00-18.30 Skoðunarferð á Hafnarsand og um ForHot-rannsóknarsvæðið í Hveragerði

19.30 Ráðstefnukvöldverður