11. desember 2024

Jólatré úr þjóðskógum

Sala jólatrjáa fer senn að ná hámarki fyrir jólin. Jólamarkaðurinn Jólakötturinn verður á Egilsstöðum um helgina, jólatré verða seld í Vaglaskógi á föstudag og laugardag og nú er seinni helgin fram undan með jólafjöri í Haukadalsskógi þar sem fólk getur komið og sagað sér jólatré. Þar var líf og fjör um síðustu helgi. Mikið hefur líka verið að gera í þjóðskógunum síðustu vikur við að sækja torgtré og heimilistré.

10. desember 2024

Færeyskir menntaskólanemar fá þjálfun í endurheimt vistkerfa

Iðunn Hauksdóttir, sérfræðingur hjá Landi og skógi, hélt nýverið erindi á ráðstefnu um eflingu náttúrunnar sem haldin var í menntaskólanum í Vestmanna í Færeyjum. Nemendur skólans hafa fengið fræðslu um endurheimt vistkerfa og tekið þátt í verkefnum við að græða land.

9. desember 2024

Yfir þúsund tonn af kjötmjöli

Dreifing kjötmjöls á uppgræðusvæðum í Árnes- og Rangárvallasýslum hefur gengið vel á árinu. Dreift hefur verið á alls 736 hektara. Sums staðar hefur birkifræi verið blandað saman við kjötmjölið til að flýta fyrir framvindu.

6. desember 2024

Ákall um nýja Þjóðargjöf

Á nýafstöðnu málþingi um Þjóðargjöfina var rætt að efna þyrfti til nýrrar þjóðargjafar til að styðja við uppgræðslu lands, endurheimtar vistkerfa og aukinnar skógræktar.

5. desember 2024

Styrkir til varna gegn landbroti

Land og skógur auglýsir eftir umsóknum um styrki til varna gegn landbroti. Umsóknarfrestur er til og með 1. febrúar 2025.

26. nóvember 2024

Birkifræ frá nemendum Sunnulækjarskóla

Talsvert af birkifræi hefur safnast í haust víða um land í átaki Lands og skógar um söfnun og sáningu á birkifræi. Skólahópar hafa víða nýtt þetta sem tækifæri til að vinna verkefni utan skólastofunnar og nýverið kom hópur frá Sunnulækjarskóla á Selfossi á starfstöð Lands og skógar þar í bæ með fræ sem þau höfðu safnað á Selfossi í haust.

25. nóvember 2024

Þjóðargjöfin 50 ára

Málþing verður haldið í Norræna húsinu í Reykjavík 5. desember í tilefni af því að á þessu ári eru fimmtíu ár liðin frá því að Alþingi samþykkti sérstaka fjárveitingu til tímamótaverkefnis sem fékk heitið Þjóðargjöfin og ætlað var að bæta fyrir þá gróður- og jarðvegseyðingu sem orðið hafði frá landnámi.

20. nóvember 2024

Ekki má bíða of lengi með gróðursetningu frystra skógarplantna

Nauðsynlegt er að horfa heildstætt á sambandið milli frameiðsluferla skógarplantna í gróðrarstöð og nýskógræktar til þess að hámarka árangur. Eftir því sem lengur er beðið með að gróðursetja frystar trjáplöntur að vori, því meiri líkur eru á að þær nái ekki að mynda nægjanlegt frostþol sama haust og verði fyrir skemmdum. Þetta er meðal rannsóknarniðurstaðna sem fjallað er um í ritrýndri grein sem birtist nýlega í vísindaritinu Forests. Aðalhöfundur greinarinnar er Rakel J. Jónsdóttir, skógfræðingur og doktorsnemi hjá Landi og skógi.

19. nóvember 2024

Til­lögur um tæki­færi til við­skipta með kolefniseiningar

Í tillögum starfshóps umhverfis- orku- og loftslagsráðherra um stöðu og tækifæri til viðskipta með kolefniseiningar hér á landi er meðal annars fjallað um lagabreytingar sem nauðsynlegar eru til að valkvæður markaður með slíkar einingar geti starfað eðlilega. Meðal tillagna hópsins er stefnumótun af hálfu ríkisins í þessum efnum, skattalegir hvatar og markaðstorg með kolefniseiningar.

15. nóvember 2024

Skemman í Víðidal á Fjöllum fauk í óveðri

Eina byggingin sem enn var uppistandandi á eyðibýlinu Víðidal á Fjöllum fauk í óveðrinu á miðvikudag. Þessi bárujárnsklædda timburskemma var nýtt til að hýsa fé í smalamennsku á haustin en framvegis verður notast við þaklaust aðhald á staðnum. Brakið úr skemmunni hefur verið hreinsað burt að mestu og tryggt að það sem eftir er fjúki ekki.