Þessi upplýsingaveita er liður í þeirri vinnu sem Landi og skógi var falið að hafa forystu um samkvæmt landsskipulagsstefnu fyrir árin 2024 til 2038 sem samþykkt var á Alþingi. Þar er lögð áhersla á að allt ræktanlegt land sem hentar til matvælaframleiðslu verði kortlagt.

Vefsjáin sýnir:

• Heildarstærð kortlagðs ræktanlegs lands í hverju sveitarfélagi.

• Hlutföll eftir gæðum ræktarlands.

• Upplýsingar í hekturum eða ferkílómetrum.

Grunnflokkun ræktanlegs lands fyrir allt landið var unnin hjá Eflu verkfræðistofu með umsjón Lands og skógar. Flokkunin er byggð á leiðbeiningum atvinnuvega- og nýsköpunarráðuneytisins sem þá var og aðferðum sem þróaðar hafa verið við Landbúnaðarháskóla Íslands.

Opna vefsjá

Þessi vefsjá veitir upplýsingar um gróður- og jarðvegsauðlindir landsins. Vöktun Grólindar á þessum auðlindum hófst árið 2019. Markmiðið er að með samþættingu á fyrirliggjandi gögnum, nýjum fjarkönnunargögnum, upplýsingaöflun á vettvangi í samstarfi við almenning og neti af mælireitum fáist heildaryfirlit um stöðu þessara mála.

Opna vefsjá

Afmörkun og skráning birkiskóglendis sem nýtur sérstakrar verndar er lögbundið hlutverk Lands og skógar samkvæmt lögum um náttúruvernd nr. 60/2013 með síðari breytingum og einnig samkvæmt lögum um skóga og skógrækt, nr. 33/2019.

Í júní 2025 komu út fyrstu tilnefningar Lands og skógar um sérstæða eða vistfræðilega mikilvæga birkiskóga og leifar þeirra. Tilnefningarnar voru gefnar út í skýrslu og afmörkun svæðanna má sjá í vefsjá. Vinnuhópur er starfandi hjá Landi og skógi sem vinnur að frekari tilnefningum sérstæðra birkiskóga.

Opna vefsjá

Þessi vefsjá sýnir heildarþekju skóglendis á Íslandi, bæði náttúrulega birkiskóga eða birkikjarr og ræktaða skóga. Samanlagt er skóglendi nú á rétt rúmum tveimur prósentum landsins.

Opna vefsjá

Þessi gagnvirka vefsjá er ætluð þátttakendum í eftirfarandi verkefnum:

• Bændur græða landið

• Landbótasjóður

Hér geta þátttakendur í þessum verkefnum skráð uppgræðsluaðgerðir og viðeigandi upplýsingar um þær aðgerðir í stað þess að skila inn GPS-ferlum.

Æskilegt er að vinna með þetta kort í góðu netsambandi.

Opna vefsjá

Hér geta landeigendur sem hafa gróðursett birki skráð aðgerðir sínar á korti. Fylgið þessum skrefum:

Mjög gjarnan má merkja inn eldri gróðursetningar einnig og skrá viðeigandi ártöl.

Opna vefsjá