Hægt er að endurnýja föst lyf

• rafrænt í gegnum Heilsuveru  

• í símatímum á heilsugæslustöðvum HVE, nánari upplýsingar eru hér fyrir neðan.

Reglur um lyfjaendurnýjanir á HVE: 

• Lyfjaendurnýjun í síma á aðeins við um FÖST lyf.

• Ekki verða afgreidd sýklalyf í lyfjaendurnýjun í síma, panta þarf símatíma eða viðtalstíma á stöð.

• Eftirritunarskyld lyf eins og sterk verkjalyf  má eingöngu endurnýja einn mánaðarskammt í einu og þarf  að koma á stöð í eftirlit amk. 1 x  í mánuði vegna þessa.
  Markmiðið verður að draga úr þeirri lyfjanotkun eins og hægt er.

• Róandi- eða svefnlyf, má eingöngu endurnýja einn mánaðarskammt í einu og mest þrisvar sinnum. Eftir það er nauðsynlegt að koma á stofu til læknis ef þörf er á áframhaldandi meðferð.

• Allir sem nota lyf að staðaldri ættu að koma á stofu til læknis í eftirlit a.m.k. árlega.

• Vinsamlegast farið ekki fram á annað við heilbrigðisgagnafræðinga eða lækna þar sem um samræmdar reglur er að ræða til að bæta gæði þjónustunnar.

• Mikilvægt er fyrir sjúklinga að verða ekki lyfjalausir og því best að fá lyf endurnýjuð 3-4 dögum áður en síðasti skammtur er búinn. 

• Reikna má með að afgreiðsla lyfja taki allt að 2 virka daga.

Hér er hægt að nálgast fræðslumyndbönd um Heilsuveru og notkun hennar.