Heimahjúkrun er fagleg hjúkrunarþjónusta fyrir einstaklinga sem búa á eigin heimili og hafa þörf fyrir einstaklingshæfða og markvissa hjúkrun til að geta lifað sem eðlilegustu lífi í sem lengstan tíma á eigin heimili.

Þjónustan er tímabundin og miðar að því að styrkja og viðhalda andlegu og líkamlegu heilbrigði einstaklingsins, gera hann eins sjálfbjarga og mögulegt er og draga úr einangrun og einkennum sjúkdóma.

Umsókn um heimahjúkrun og mat á þörf fyrir þjónustu
getur borist frá einstaklingi, aðstandenda, hjúkrunarfræðingum, læknum eða sjúkrastofnunum.

Heimahjúkrun, starfsfólk heilsugæslunnar og félagsleg heimaþjónusta starfa náið saman, samhæfa og skipuleggja þjónustuna með velferð og þarfir þjónustuþegnanna að leiðarljósi.