Fjárhagskerfið heldur utan um bókhald ríkissjóðs og stofnana ríkisins.

Kerfið er notað við:

• uppgjörsvinnu vegna ríkisreiknings

• upplýsingagjöf um fjárhag ríkisins

• skráningu eigna

Eignaskráningarkerfi er hluti af fjárhagskerfinu. Það heldur utan um varanlega rekstrarfjármuni stofnana.

Hvað sýnir fjárhagur?

Fjárhagur getur meðal annars sýnt:

• tekjur

• gjöld

• eignir

• skuldir

• sparnað

• fjárfestingar

Viðfang er notað til að halda utan um rekstur, umsvif eða verkefni innan stofnunar.

Viðfang getur til dæmis vísað til:

• sviðs

• deildar

• verkefnis

• ákveðins hluta starfseminnar

Viðfangsnúmer eru eingöngu úr tölustöfum. Fyrstu fimm tölustafirnir eru þeir sömu og í stofnananúmeri viðkomandi stofnunar.

Tegundir viðfanga

Viðföngum er skipt í fjóra hluta:

• efnahagsviðfang

• fjárlagaviðfang

• yfirviðfang

• bókunarviðfang

Stofnun viðfangs

Fjársýslan stofnar viðföng að jafnaði.

Áður en viðfang er stofnað þarf að ganga úr skugga um að fjárlagaviðfang sé til staðar.

Við stofnun viðfangs þarf einnig að huga að tengingum sem geta haft áhrif á bókhald, til dæmis tengingum vegna virðisaukaskatts.

Víddir eru notaðar til að sundurliða bókhald stofnunar nánar. Hægt er að nota víddir til að halda utan um til dæmis:

• einstök verkefni

• málaflokka

• aðra hluta starfseminnar

Stofna þarf víddir sérstaklega fyrir hverja stofnun. Fjársýslan sér um að stofna víddir fyrir stofnanir.

Stofnun vídda

Áður en víddir eru stofnaðar þarf að huga vel að uppsetningu þeirra. Hægt er að nota bókstafi í víddum, en ekki er mælt með því. Ekki má nota:

• séríslenska stafi

• punkta

• kommur

• semikommur

• strik

• önnur sérstök tákn

Vídd 1

Vídd 1 er notuð til að sundurliða bókhald stofnunar nánar. Hægt er að nota vídd 1 til að halda utan um nánari flokkun, til dæmis ef sundurliða þarf bókakaup eftir:

• bókaflokkum

• erlendum bókum

• innlendum bókum

Vídd 1 gengur þvert á viðföng í bókhaldi stofnunar. Hún er því ekki tengd sérstöku viðfangi eða tegund.

Vídd 1 fyrir bankareikninga

Færslur vegna bankareikninga stofnana þarf að skrá með vídd 1. Vídd 1 fyrir bankareikninga byrjar á bókstafnum b (litlum staf) og síðan kemur númer bankareiknings.

Dæmi: 
Ef bankareikningur er númer 758 er vídd 1 skráð sem b758.

Vídd 2

Vídd 2 er aðallega notuð til að halda utan um verkefni sem ganga þvert á viðföng stofnunar.

Vídd 2 er ekki tengd sérstöku viðfangi eða tegund.

Hægt er að nota vídd 2 fyrir verkefni sem margar deildir eða mörg viðföng koma að. Þá er hægt að halda utan um kostnað verkefnisins samhliða því sem kostnaður er færður á viðkomandi deildir eða viðföng.

Vídd 3

Vídd 3 er notuð til að halda utan um kostnað vegna atvika sem ná þvert á ríkisaðila, stofnanir og ráðuneyti. Víddin er ætluð fyrir atburði sem hafa áhrif á samfélagið og litlar líkur eru á að endurtaki sig með sama hætti.

Atburðir sem falla undir vídd 3

Vídd 3 er notuð fyrir:

• náttúruhamfarir, til dæmis jarðhræringar, eldgos, skriður og flóð

• manngerðar hamfarir, til dæmis hryðjuverk og netárásir

• farsóttir og sjúkdóma

• önnur atvik eða stórslys

Uppbygging víddar 3

Vídd 3 er samsett úr 5 tölustöfum:

• 1 tölustaf fyrir tegund atburðar

• 2 tölustöfum fyrir ár

• 2 tölustöfum fyrir raðnúmer

Dæmi:

• 12301 – Jarðhræringar í Grindavík

• 42301 – Vatnslögn til Vestmannaeyja

• 32001 – COVID-19

Afskrift lækkar bókfært verð eignar yfir notkunartíma hennar.

Í FA-eignakerfinu eru skráð viðmið um afskriftaprósentu fyrir alla eignaflokka. Afskriftaprósentan segir til um áætlaðan notkunartíma eignar.

Dæmi: 
20% afskrift þýðir að áætlaður notkunartími eignar er 5 ár.

Hrakvirði er sjálfgefið 0 krónur.

Breyting á viðmiðum

Stjórnendur hverrar stofnunar bera ábyrgð á að breyta viðmiðum í FA eignakerfinu ef þeir áætla annan notkunartíma en þann sem er skráður í kerfinu.

Stofnun þarf einnig að skrá hrakvirði ef áætlað er að það verði hærra en 0 krónur.

Upplýsingar um viðmið og leiðbeiningar um breytingar eru á vef Fjársýslunnar.

Eignir