Afskrift lækkar bókfært verð eignar yfir notkunartíma hennar.

Í FA-eignakerfinu eru skráð viðmið um afskriftaprósentu fyrir alla eignaflokka. Afskriftaprósentan segir til um áætlaðan notkunartíma eignar.

Dæmi: 
20% afskrift þýðir að áætlaður notkunartími eignar er 5 ár.

Hrakvirði er sjálfgefið 0 krónur.

Breyting á viðmiðum

Stjórnendur hverrar stofnunar bera ábyrgð á að breyta viðmiðum í FA eignakerfinu ef þeir áætla annan notkunartíma en þann sem er skráður í kerfinu.

Stofnun þarf einnig að skrá hrakvirði ef áætlað er að það verði hærra en 0 krónur.

Upplýsingar um viðmið og leiðbeiningar um breytingar eru á vef Fjársýslunnar.

Samkvæmt lögum um opinber fjármál (123/2015) er ríkisaðilum heimilt að selja lausafé og nýta andvirðið til endurnýjunar á búnaði og tækjum.

Upphaflega fær stofnun fjárfestingarframlag til kaupa á eign, sem er tekjufærð á móti afskrift, ef viðkomandi eign er seld þá er heimilt að nota söluandvirðið til endurfjárfestingar.

Yfirfara þarf reglulega virk eignanúmer í FA-eignakerfinu.

Færa á eignir úr eignaskrá þegar þær eru ekki lengur í notkun.

Skoða þarf sérstaklega eignir sem:

• hafa bókfært verð 0 krónur

• eru ekki lengur í notkun

Ef eign er með bókfært verð 0 krónur og er enn í notkun þarf ekki að úrelda eignanúmerið.

Eignfærsla á sér stað þegar stofnun kaupir eign sem er notuð er lengur en eitt reikningsskilatímabil.

Fjárfestingarframlag í fjárlögum er veitt stofnunum til að kaupa:

• varanlega rekstrarfjármuni

• óefnislegar eignir

Samkvæmt lögum um opinber fjármál skal halda eignaskrá.

FA-eignakerfi

FA-eignakerfið er hluti af ORRA og tengist aðalbókhaldi.

Kerfið heldur utan um eignir ríkisaðila og veitir upplýsingar um þær.

Eignir eru skráðar á tegundalykla sem byrja á 18.