Efnahagsviðfang er notað þegar bókað er á efnahag stofnunar.

Efnahagsviðfang er stofnananúmer með tölustafnum 0 aftan við. Þegar bókað er á efnahagsviðfang eru því notaðir 6 tölustafir.

Dæmi:
Ef stofnananúmer er 12345 er efnahagsviðfangið 123450.

Til eru undantekningar frá þessari reglu.

Hvað má bóka á efnahagsviðfang?

Aðeins má bóka á efnahagstegundir þegar bókað er á efnahagsviðfang.

Efnahagstegundir eru tegundir sem byrja á:

• 1

• 2

• 3

Fjárlagaviðfang er notað til að tengja stofnun við fjárheimild samkvæmt fjárlögum hvers árs.

Fjárlagaviðfang er 3 tölustafir sem bætast aftan við stofnananúmer viðkomandi stofnunar.

Fjárlagaviðfang er einnig yfirviðfang.

Ekki má bóka beint á fjárlagaviðfang.

Stofnun fjárlagaviðfangs

Fjársýslan stofnar fjárlagaviðföng.

Fjárlagaviðföng eru tengd við svokallaðan COFOG-kóða. COFOG-kóði er notaður til að flokka og taka saman útgjöld ríkissjóðs eftir málaflokkum.

Yfirviðfang er sérmerkt viðfangsefni hjá stofnunum þar sem hægt er að draga saman kostnað eftir bókunarviðföngum sem eru undir hverju yfirviðfangi.

Ekki er hægt að bóka á yfirviðföng.

Mikilvægt er þegar yfirviðföng eru stofnuð að þau falli að skipulagi viðkomandi stofnunar.

Bókunarviðfang er notað til að halda utan um rekstur einstakra sviða, deilda eða verkefna innan stofnunar.

Bókunarviðfang er 10 til 14 tölustafir.

Það samanstendur af:

• stofnananúmeri

• fjárlagaviðfangi

• 2 til 6 tölustöfum til viðbótar

Áður en bókunarviðfang er stofnað þarf að skoða hvort betra sé að halda utan um verkefnið með víddum í bókhaldinu.

Áður en víddir eru stofnaðar þarf að huga vel að uppsetningu þeirra. Hægt er að nota bókstafi í víddum, en ekki er mælt með því.

Ekki má nota:

• séríslenska stafi

• punkta

• kommur

• semikommur

• strik

• önnur sérstök tákn

Vídd eitt er notuð til að sundurliða bókhald stofnunar nánar.

Hægt er að nota vídd eitt til að halda utan um nánari flokkun, til dæmis ef sundurliða þarf bókakaup eftir:

• bókaflokkum

• erlendum bókum

• innlendum bókum

Vídd eitt gengur þvert á viðföng í bókhaldi stofnunar. Hún er því ekki tengd sérstöku viðfangi eða tegund.

Vídd eitt fyrir bankareikninga

Færslur vegna bankareikninga stofnana þarf að skrá með vídd eitt. Vídd eitt fyrir bankareikninga byrjar á bókstafnum b (litlum staf) og síðan kemur númer bankareiknings.

Dæmi:
Ef bankareikningur er númer 758 er vídd eitt skráð sem b758.

Vídd tvö er aðallega notuð til að halda utan um verkefni sem ganga þvert á viðföng stofnunar.

Vídd tvö er ekki tengd sérstöku viðfangi eða tegund.

Hægt er að nota vídd tvö fyrir verkefni sem margar deildir eða mörg viðföng koma að. Þá er hægt að halda utan um kostnað verkefnisins samhliða því sem kostnaður er færður á viðkomandi deildir eða viðföng.

Vídd þrjú er notuð til að halda utan um kostnað sem er þvert á stofnanir og ráðuneyti. Víddin er ætluð fyrir atburði sem hafa áhrif á samfélagið í heild.

Atburðir sem falla undir vídd þrjú

Vídd þrjú er notuð fyrir:

• náttúruhamfarir, til dæmis jarðhræringar, eldgos, skriður og flóð

• manngerðar hamfarir, til dæmis hryðjuverk og netárásir

• farsóttir og sjúkdóma

• þjóðaratkvæðagreiðslu

Uppbygging víddar 3

Vídd þrjú er samsett úr fimm tölustöfum:

• einum tölustaf fyrir tegund atburðar

• tveimur tölustöfum fyrir ár

• tveimur tölustöfum fyrir raðnúmer

Dæmi:

• 12301 – Jarðhræringar í Grindavík

• 42301 – Vatnslögn til Vestmannaeyja

• 32001 – COVID-19

• 52601 - Þjóðaratkvæðagreiðsla

Kennitala vegna framtalsskyldra greiðslna

Þegar bókunartákn er notað fyrir framtalsskylda greiðslu þarf kennitala þess aðila sem greiðslan er skráð á að fylgja bókunarfærslunni.

Ef bókunartákn 0 eða 9 er notað þarf ekki að skrá kennitölu.

Athugið:

• Aðeins Fjársýslan má bóka með bókunartákni 16

• Bókunartákn 19 er aðeins notað hjá ríkissjóði

Ekki má bóka á tegund 2320 nema bókunartákn og rekstrarviðfang fylgi færslunni.

Gjaldalyklar (5xxxx)

Þegar skilgreindir gjaldalyklar flytja stöðu yfir á verk í vinnslu (tegundalyklar 18011 og 18012) gildir eftirfarandi:

• Notað er bókunartákn 22 þegar kostnaður tilheyrir verki í vinnslu

• Sjálfvirk keyrsla flytur stöðuna og bókar hana með bókunartákni 23

Eignalyklar (18xxx)

Fyrir eignalykla á bilinu 181-189 er almennt notað bókunartákn 0.

Ef færsla á ekki að flytjast yfir í FA eignakerfið skal nota bókunartákn 9.

Bókunartákn fjárheimilda sýna uppruna eða tilefni fjárheimildar.

Fjárlög og fjáraukalög

Nánari skýringar

• Bókunartákn A1-A5 eru notuð fyrir fjárheimildir sem samþykktar hafa verið af Alþingi í fjárlögum eða fjáraukalögum.

• Bókunartákn AA-AJ, að undanskildu AD, eru notuð þegar ráðuneyti flytja fjárheimildir á milli.

• Bókunartákn AD er notað vegna gjaldfærðra afskrifta og ráðstöfunar fjárfestingarheimilda.

• Bókunartákn ALer notað þegar fjárheimild er dreift á tímabil samkvæmt rekstraráætlun.