Framhaldsskólanám

Inntökuskilyrði í skólann eru að lágmarki 60 framhaldsskólaeiningar, þar af 30 skilgreindar einingar á öðru þrepi; 10 í íslensku, 10 í ensku, 5 í Norðurlandamáli og 5 í stærðfræði og minnst 30 einingar í vali; tungumálum, félags- eða hugvísindum, raungreinum, iðngreinum eða öðrum listgreinum en myndlist. Hafa þarf í huga skilyrði aðalnámskrár um samsetningu áfanga með hliðsjón af hæfniþrepi.
Að auki leysa umsækjendur ákveðin verkefni og senda inn með umsókn. Inntökunefnd fer yfir umsóknir og metur innsend verkefni.

Nám til stúdenstprófs af listnámsbraut er 200 einingar þar sem nemandi tileinkar sér hæfni á þriðja þrepi. Við skólann eru teknar 140 einingar á tveimur árum (sbr. kaflann um inntökuskilyrði) en miðað er við að nemandi í fullu námi ljúki 35 einingum á önn.
Námið skiptist í kjarna og brautarkjarna, auk þess sem nemendur taka 1 einingu í lífsleikni á hverri önn. Kjarninn samanstendur af áföngum sem nemendur á öllum stúdentsbrautum taka en brautarkjarninn er sérkennandi fyrir listnámsbrautina og er alhliða grunnnám í myndlist.
Námið er að stórum hluta verklegt og viðfangsefni nemenda í bóklegum greinum tekur mið af myndlist og hönnun.
Áfangar eru ýmist kenndir reglubundið yfir önnina eða í samfelldum 1-6 eininga námslotum.
Nemendur sem ekki hafa náð 18 ára aldri þurfa að stunda líkamsrækt og skila skólanum vottorði þar að lútandi.

Námsmat tekur mið af þeim námsmarkmiðum sem sett eru fram í áfangalýsingu. Í kennslulýsingu er kveðið á um verkefnaskil og með hvaða hætti mat verður lagt á vinnu nemenda í áfanganum. Umgjörð námsmats er útfærð í skólanámskrá en námsmat við skólann byggir á símati með áherslu á fjölbreyttar matsleiðir til að mæta ólíkum þörfum nemenda. Í verklegu námi tekur matið í senn til hæfni nemenda í viðkomandi grein og getu þeirra til að tjá sig og fjalla um viðfangsefnið skriflega, munnlega eða með öðrum hætti. Auk einkunnar fá nemendur leiðbeinandi umsögn við lok flestra áfanga. Í samráði við námsráðgjafa eru fundnar leiðir til úrlausnar verkefna fyrir nemendur sem greindir hafa verið með tiltekna námsörðugleika.

Að loknu námi skal nemandi hafa hæfni til að ...