Dvalarleyfi vegna sérstakra tengsla við Ísland

• Dvalarleyfi vegna sérstakra tengsla við Ísland má veita til allt að eins árs.

• Dveljist handhafi leyfisins lengur en þrjá mánuði samfellt erlendis getur dvalarleyfið verið fellt niður. Dvalarleyfi útlendings fellur sjálfkrafa niður þegar lögheimili hans, sem skráð var hér á landi, hefur verið skráð erlendis í þrjá mánuði.

Réttur til endurnýjunar leyfis

• Dvalarleyfið má endurnýja í allt að eitt ár í senn, hafi forsendur fyrir veitingu leyfis ekki breyst.

• Þrátt fyrir að dvalarleyfi hafi fallið niður er hægt að sækja um endurnýjun á dvalarleyfi, ef það er gert innan gildistíma fyrra dvalarleyfis og sanngirnisástæður mæla með því.

Réttur til fjölskyldusameiningar

• Dvalarleyfið veitir handhafa rétt til fjölskyldusameiningar fyrir

  • börn sín yngri en 18 ára, ef handhafi hefur forsjá þeirra

  • foreldri 67 ára og eldri

  • maka - þegar leyfishafi hefur starfað eða stundað nám hér á landi í löglegri dvöl í fjögur ár.

Réttur til að vinna

• Dvalarleyfinu fylgir heimild til að vinna án atvinnuleyfis.

Réttur til ótímabundins dvalarleyfis

• Dvalarleyfið getur verið grundvöllur ótímabundins dvalarleyfis.

  • Athugið að eitt af skilyrðum ótímabundins dvalarleyfis er að hafa ekki hafa dvalist meira en 90 daga erlendis samtals á hverju ári á gildistíma dvalarleyfis, talið frá útgáfudegi leyfis.