Þú þarft að fylla út umsókn um langtímavegabréfsáritun og skila henni til Útlendingastofnunar á pappírsformi.

Umsókninni má skila í þar til gerðan póstkassa í anddyri Útlendingastofnunar að Dalvegi 18 í Kópavogi eða með því að senda umsókn í bréfpósti á sama heimilisfang. Áður en það er gert er nauðsynlegt að greiða fyrir umsókn með millifærslu í banka og þarf greiðslukvittun að fylgja umsókn til staðfestingar. Ógreidd umsókn verður endursend umsækjanda.

Upplýsingar um skilyrði og fylgigögn umsóknar er að finna á síðunni Langtímavegabréfsáritun.

Umsóknarfrestur

Nauðsynlegt er að þú sækir um langtímavegabréfsáritun tímanlega. Ef þú ert áritunarskyld/-ur þarftu að sækja um þegar minnst 14 dagar eru eftir af gildistíma áritunar. Ef þú ert ekki áritunarskyld/-ur þarftu að sækja um minnst 14 dögum áður en 90 dagar eru liðnir frá því að þú komst inn á Schengen-svæðið.

Athugaðu hvort þú þurfir vegabréfsáritun til að ferðast til Íslands.