Þú mátt dvelja allt að 3 mánuði erlendis á hverju ári á gildistíma dvalarleyfis, talið frá útgáfudegi dvalarleyfis.

Dveljir þú lengur getur dvalarleyfið verið fellt niður. Lengri dvöl erlendis getur einnig haft áhrif á rétt þinn til að fá ótímabundið dvalarleyfi. Ef þú skráir lögheimili þitt úr landi fellur dvalarleyfið sjálfkrafa niður.

Athugaðu að þrátt fyrir að dvalarleyfið hafi fallið niður getur þú enn sótt um endurnýjun leyfis ef það er gert innan gildistíma fyrra dvalarleyfis og sanngirnisástæður mæla með því.