Til að eiga rétt á S1-vottorði þarf einstaklingur að vera ríkisborgari frá EES-landi, Bretlandi eða Sviss og uppfylla eitt af eftirtöldum skilyrðum: 

• Vera launþegi frá Íslandi en starfa í öðru EES-landi fyrir íslenskt fyrirtæki og greiða tryggingargjald af launum á Íslandi. Þessir einstaklingar sækja um A1-vottorð hjá Tryggingastofnun ríkisins sem biður svo um útgáfu S1-vottorðs. 

• Vera maki eða barn (17 ára eða yngra) launþega frá Íslandi og búsettur í öðru EES-landi. 

• Vera lífeyrisþegi frá Íslandi og með lögheimili í öðru EES-landi. 

• Vera maki eða barn (17 ára eða yngra) lífeyrisþega og með lögheimili með lífeyrisþeganum í öðru EES-landi. 

Ef S1-vottorði er framvísað þegar sótt er um sjúkratryggingu í nýju búsetulandi innan EES fær einstaklingur alla þá sömu þjónustu og aðrir sjúkratryggðir einstaklingar í því landi.  

Einstaklingar greiða almennt ákveðið gjald sem er sjúklingshluti í búsetulandi og hann fæst ekki endurgreiddur hjá Sjúkratryggingum. 

Afgreiðslutími umsókna er 6 til 8 vikur. 

• Heilbrigðisþjónustu sem veitt er utan opinbera kerfis búsetulands. 

• Heimflutningur til Íslands (sérreglur gilda um Norðurlönd). Algengt er að einstaklingar kaupi á sinn kostnað einkatryggingar sem veita þann rétt. 

• Ekki er almennt gefið út S1-vottorð milli Norðurlanda. 

• Ekki er gefið út S1-vottorð á grundvelli U2-vottorð frá Vinnumálastofnun. Nota skal evrópska sjúkratryggingakortið í þeim tilfellum. 

• Ekki er gefið út S1-vottorð þegar um tímabundna dvöl er að ræða. 

Ef einstaklingur er með gilt S1-vottorð og ferðast til annarra EES-landa þá á hann rétt á sjúkratryggingu frá Íslandi ef S1 vottorð er enn í gildi. 

Handhafar S1-vottorða þurfa að hafa samband við Sjúkratryggingar til að sækja um Evrópskt sjúkratryggingakort. 

Skilyrði fyrir útgáfu S1-vottorðs til lífeyrisþega: 

• Lífeyrisþegi sem er að fá lífeyrisgreiðslur frá Íslandi og á almennt ekki rétt á lífeyrisgreiðslum í búsetulandinu. 

• Einstaklingur þarf að vera ríkisborgari frá EES-landi, Sviss eða Bretlandi. 

Einstaklingur sem er sjúkratryggður á Íslandi getur sótt um S1-vottorð fyrir maka eða börn hans sem eru búsettir í öðru EES-landi, Bretlandi eða Sviss.  

Skilyrði fyrir útgáfu S1-vottorðs til aðstandenda: 

• Einstaklingur sem sækir um er sjúkratryggður á Íslandi 

• Aðstandendur eiga ekki rétt á sjúkratryggingu í búsetulandinu 

• Aðstandendur eru ríkisborgarar frá EES-landi, Bretlandi eða Sviss 

Við skráningu í nýja búsetulandinu þarf að framvísa S1-vottorðinu til viðkomandi sjúkratryggingastofnunar. Það gæti þurft að sýna skilríki og staðfestingu á lögheimilisskráningu í því landi. 

Sjúkratryggingarstofnunin mun staðfesta skráningu til Sjúkratrygginga. Það er mikilvægt að hafa í huga að tryggingin tekur ekki gildi fyrr en daginn sem þú skráir S1-vottorðið og afgreiðslutími gæti verið langur. 

• Lög um sjúkratryggingar nr.112/2008 

• Lög um lögheimili og aðsetur nr. 80/2018 

• Reglugerð um framkvæmd almannatrygginga og skráningu í tryggingaskrá nr.463/1999 

• Reglugerð um gildistöku reglugerða Evrópusambandsins um almannatryggingar nr. 442/2012