Vitundarvakningin Góða skemmtun í sumar fór fram í fjórða sinn síðastliðið sumar í samvinnu lögreglu, Neyðarlínunnar og fjölmargra samstarfsaðila sem koma að hátíðum og viðburðum víða um land. Markmið herferðarinnar er að minna á mikilvægi öruggrar og ofbeldislausrar skemmtunar, með áherslu á forvarnir, ábyrgð og góða samveru.

Tollgæslan var meðal þátttakenda í alþjóðlegri aðgerð Europol sem beindist að viðskiptum og innflutningi á ólöglegum lyfjum og naut liðsinnis Lyfjastofnunar.

Dagatal Jafnréttisstofu fyrir árið 2017 er komið út. Að þessu sinni er dagatalið helgað mannréttindabaráttu í víðum skilningi með tilvitnun í 65. grein stjórnarskrár Íslands en þar segir: „Allir skulu vera jafnir fyrir lögum og njóta mannréttinda án tillits til kynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti. Konur og karlar skulu njóta jafns réttar í hvívetna.“  Að venju er dagatalinu dreift til sveitarfélaga, skóla, stofnanna og fyrirtæja um land allt. Þeir sem hafa áhuga á að eignast dagatalið geta sent póst á netfangið jafnretti[hjá]jafnretti.is eða hringt í síma 460-6200 og fengið það sent sér að kostnaðarlausu. Stærð dagatalsins er 38*62cm.  

Systkini fylgdarlauss flóttabarns á Íslandi eiga rétt á alþjóðlegri vernd hér á landi með fjölskyldusameiningu.