Greiðsluþátttaka vegna ferðakostnaðar innanlands
Dvalar- eða ferðakostnaður foreldra
Ef barn undir 18 ára aldri er inniliggjandi á sjúkrahúsi vegna veikinda sinna, og að minnsta kosti 20 km vegalengd er milli heimilis og sjúkrahúss, geta foreldrar eða forráðamenn sótt um annað af eftirfarandi:
Dvalarkostnað fyrir einn aðila, eða tvo aðila ef um erfiða meðferð lífshættulegs sjúkdóms er að ræða
Daglegar ferða til að vitja barnsins
Umsóknarferli
Til að fá ferðakostnað eða dvalarkostnað endurgreiddan þarf:
Læknir eða ljósmóðir, ef við á, sækja um endurgreiðslu ferðakostnaðar
- Læknir eða ljósmóðir fyllir út eyðublaðið Skýrsla vegna ferðakostnaðar innanlandsUmsækjandi heldur utan um öll gögn:
- Eyðublaðinu sem læknir eða ljósmóðir hefur fyllt út
- Greiðslukvittunum fyrir fargjöldum eða dvalarkostnaði
- Staðfestingu á sjúkrahúslegu barns
- Ef báðir foreldrar óska eftir endurgreiðslu dvalarkostnaðar þarf einnig læknisvottorð.Umsækjandi sendir öll gögn til umboðs sýslumanns í sinni heimabyggð, umboð áframsenda til Sjúkratrygginga ef þörf er á.
Einnig er hægt að skila inn gögnum rafrænt í gegnum Gagnaskil einstaklinga.
Upphæðir
Vegna dvalarkostnaðar er greitt fyrir 80% af kostaði, þó aldrei meira en 50% af daggjaldi til sjúkrahótels. Ef báðir foreldrar óska endurgreiðslu er ekki greitt meira samanlagt en 75% af daggjaldinu.
Vegna daglegra ferða til að vitja barns er greitt fyrir allt að 200 kílómetra hvora leið. Ef ferðast er með flugi takmarkast endurgreiðsla við eina ferð í viku. Að jafnaði er endurgreitt fyrir hverja ferð:
2/3 af kílómetragjaldi eða fargjaldi
Kostnaðarhluti umsækjanda (1/3 hluti fargjalds) fer þó aldrei yfir 1.500 kr. í hverri ferð fram og til baka.
Kostnaðarhluti umsækjanda lækkar í 500 kr. fyrir hverja ferð ef kostnaður hans fer yfir 10.000 kr. á síðustu 12 mánuðum eða á almanaksári frá 01.01.2024.
Þjónustuaðili
Sjúkratryggingar