NTÍ og Fasteignafélagið Þórkatla hafa komið sér saman um forgangsröðun mála í Grindavík
Náttúruhamfaratrygging Íslands (NTÍ) og Fasteignafélagið Þórkatla hafa komið sér saman um forgangsröðun mála í Grindavík. Hluti af þeim húsum sem Þórkatla hefur keypt á síðustu vikum í Grindavík hafa orðið fyrir tjóni vegna jarðhræringanna. Búið er að samþykkja kaup á um 720 íbúðarhúsum og talsverður hluti þeirra mun þurfa að fara í gegnum tjónamat hjá NTÍ og hluti hefur þegar farið í gegnum slíkt mat.