Skipulag nýrrar byggðar á svæðum þar náttúruvá er þekkt

Náttúruhamfaratrygging Íslands (NTÍ) hefur sent bréf til allra sveitarfélaga í landinu þar sem bent er á mikilvægi þess að gæta sérstaklega að skipulagi byggðar á svæðum sem fyrirfram eru þekkt sem viðkvæm fyrir náttúruvá.

Í bréfinu er sérstaklega vísað til 16. gr. laga nr. 55/1992, sem kveður á um að réttur til bóta getur minnkað eða fallið alveg niður, ef tjón verður á mannvikjum sem reist eru á þekktum hættusvæðum, m.a. vegna vatns- og sjávarflóða.

Af hverju núna?

Á undanförnum misserum hefur tjón á nýlegum mannvirkjum aukist á svæðum þar sem hætta af náttúruvá hefur lengi verið þekkt, samhliða umræðu um frekari framkvæmdir á slíkum svæðum.

Hlutverk NTÍ

NTÍ bætir tjón af völdum náttúruhamfara. Sérstök ákvæði eru í lögum nr. 55/1992 um stofnunina, sem er ætlað að takmarka eða koma í veg fyrir að bætur séu greiddar út bótasjóði, þar sem hætta er fyrirfram þekkt eða endurtekin tjón verða.

Eigendur fasteigna geta því ekki gengið að því sem vísu að bætur verði greiddar fyrir tjón á mannvirkjum sem byggð eru á þekktum hættusvæðum.

Ábyrgð á skipulagi byggðar og leyfisveitingum á slíkum svæðum hvílir hins vegar hjá skipulagsyfirvöldum og sveitarstjórnum.

Að mati NTÍ er mikilvægt að:

• Við gerð skipulagsáætlan sé ávallt tekið tillit til nýjust og bestu upplýsinga um náttúruvá og þær skýrlega tilgreindar á skipulagsuppdráttum og í greinargerðum.

• Ráðast í forvarnir og gerð varnarmannvirkja, eftir því sem við á, áður en framkvæmdir hefjast.

• Upplýsa byggingarleyfishafa og eftir atvikum kaupendur lands og eigna um þekkta áhættu og mögulegar afleiðingar – þar með talið takmarkanir á bótarétti.

• Leita samráðs við viðeigandi stjórnvöld eftir því sem við á (HMS, Vegagerðina, Veðurstofuna og Skipulagsstofnun).