Framfærsla barns

Ef foreldrar eru í hjúskap eða sambúð við fæðingu barns er barnið sjálfkrafa feðrað og bera þá
báðir foreldrar sameiginlega ábyrgð á framfærslu barnsins til 18 ára aldurs.

Þegar barn fæðist og foreldrar þess eru hvorki í hjónabandi eða sambúð, þarf að ákvarða faðerni barnsins áður en hægt er að taka afstöðu til framfærslu barns og eftir atvikum,
meðlagsgreiðslna.

Ófeðrað barn:

Meðlag er jafnhátt barnalífeyri. Sjá upplýsingar Tryggingastofnunar ríkisins um rétt til barnalífeyris, meðal annars í þessum tilvikum:

• Ef ekki er hægt að feðra barn, er hægt að fá barnalífeyri frá Tryggingastofnun ríkisins

• Ef barn var getið með tæknifrjóvgun, er hægt að fá barnalífeyri frá Tryggingastofnun ríkisins

• Ef mál er í gangi til að feðra barn, er hægt að sækja um meðlag til bráðabirgða hjá Tryggingastofnun ríkisins