Fara beint í efnið

Fjölskylda og velferð

Sérstök framlög með barni til viðbótar við meðlag

Í stuttu máli

Við ákveðin tilefni þykir eðlilegt að meðlagsskylt foreldri greiði framlög til viðbótar reglubundnu meðlagi. 

Þekkt tilefni eru vegna:

  • skírnar

  • fermingar

  • gleraugnakaupa

  • tannréttinga

  • sjúkdóms

  • greftrunar 

Auk þessa hefur sýslumaður einnig úrskurðað um greiðslu aukins framlags til dæmis ef barn þarf sérkennslu vegna námsörðugleika. 

Reglubundnu meðlagi er hins vegar ætlað að standa straum af almennri framfærslu barns svo sem fæði, fatnaði, húsnæði, tónlistarnámi, íþróttaiðkun og svo framvegis.

Upphæðir

Dómsmálaráðuneytið gefur út leiðbeiningar til sýslumanna um viðmiðunarfjárhæðir vegna krafna um sérstök framlög til fermingar, skírnar eða greftrunar og ber að uppfæra þær árlega. 

Árið 2021 eru viðmiðunarfjárhæðirnar vegna:

  • fermingar, 80.000kr - 106.000kr

  • skírnar, 21.000kr - 27.000kr

  • greftrunar, 80.000kr - 118.000kr

Nánar

Um sérstakt framlag frá meðlagskyldu foreldri

Um sérstakt framlag þegar foreldri nýtur ekki við

Sýslumenn

Sýslu­menn