Sýslumaður fer yfir erfðafjárskýrsluna og fylgigögnin með henni.
Hafi sýslumaður engar athugasemdir við erfðafjárskýrsluna áritar hann hana, leggur á erfðafjárskatt og tilkynnir öllum erfingjum/umboðsmanni.
Erfingjar fá tilkynningu um álagningu erfðafjárskatts í stafrænt pósthólf á Ísland.is. Í bréfinu kemur fram hvar hægt er að greiða erfðafjárskattinn.
Gjalddagi erfðafjárskatts er 10 dögum frá því að tilkynning er send og eindagi mánuði síðar. Hafi erfðafjárskattur ekki verið greiddur á eindaga reiknast dráttarvextir frá gjalddaga.
Skatturinn fær afrit af erfðafjárskýrslunni og yfirfer hana. Hann skal hafa lokið yfirferð sinni eigi síðar en 40 dögum frá því að honum berst erfðafjárskýrslan. Skatturinn veitir nánari upplýsingar um yfirferð hans á erfðafjárskýrslu. Fenginn arfur verður forskráður á skattframtal erfingja.
Þjónustuaðili
Sýslumenn