Húsnæðisbætur

Á hverju ári er gert lokauppgjör húsnæðisbóta fyrir árið á undan. 
Lokauppgjörið er reiknað þegar staðfest skattframtal liggur fyrir, sem er yfirleitt um mánaðamót maí–júní.

Við uppgjörið eru húsnæðisbætur endurreiknaðar út frá rauntekjum og eignum viðkomandi árs.

• Ef þú fékkst of lágar bætur miðað við endanlega niðurstöðu, myndast vangreiðsla (inneign).

• Ef þú fékkst of háar bætur, myndast ofgreiðsla (skuld) sem þarf að greiða til baka.

Inneign

Ef lokauppgjör sýnir að þú eigir inneign:

• Er hún greidd inn á bankareikning sem skráður er í umsókn þinni um húsnæðisbætur.

Skuld

Ef lokauppgjör sýnir að þú hafir fengið ofgreiddar húsnæðisbætur, gilda eftirfarandi reglur:

Ef þú færð enn húsnæðisbætur

• Ofgreiðsla yfir 150.000 kr fer ekki sjálfkrafa í skuldajöfnun.

• Ofgreiddar bætur undir 150.000 kr. eru dregnar sjálfkrafa frá næstkomandi greiðslum.

• Aldrei er dregið meira en 25% af mánaðarlegum bótum í hverjum mánuði.

• Þú getur einnig óskað eftir að fá innheimtukröfu og greitt alla skuldina strax.

  • Ef óskað er eftir því að hafa samband við hms@hms.is

Ef þú færð ekki lengur húsnæðisbætur

• Þú getur óskað eftir greiðsludreifingu á skuldinni, allt að 12 mánuði.

• Hver greiðsla þarf að vera að lágmarki 10.000 krónur.

Tekjumörk og upphæðir húsnæðisbóta árið 2025

1. janúar - 31. ágúst

1. september - 31. desember 2025

Eignamörk ársins 2025:

Eignir umsækjenda hafa áhrif á rétt til húsnæðisbóta. Þegar eignir fara yfir tiltekin mörk skerðast bætur.

1. janúar- 31. desember
Neðri skerðingarmörk: 12,5 milljónir.
Efri skerðingarmörk: 20 milljónir.