Húsnæðisbætur

Þú getur reiknað áætlaðar húsnæðisbætur sem þú átt rétt á með reiknivél húsnæðisbóta.

Ef þú ert ósammála ákvörðun um upphæð bóta geturðu óskað eftir endurútreikningi. Þá sendirðu rökstuðning og fylgigögn gegnum Mínar síður HMS eða með tölvupósti á hms@hms.is.

Óskertar húsnæðisbætur

Óskertar bætur miða við að tekjur séu lægri en neðri tekjumörk og eignir lægri en skerðingarmörk.

Húsnæðisbætur geta aldrei verið hærri en 75% af leiguverði.

Skattframtal þarf að vera í skilum til að hægt sé að reikna bæturnar.

Ef einhver á heimilinu á rétt á vaxtabótum fellur niður réttur til húsnæðisbóta.

Upphæðir húsnæðisbóta eru endurskoðaðar árlega við afgreiðslu fjárlaga.

Eigna- og tekjumörk

Eignir

Samanlagðar eignir allra á heimilinu (18 ára og eldri) verða að vera undir skerðingarmörkum. Eignir eru til dæmis innistæður á bankareikning, bílar, hjólhýsi, mótorhjól, fasteignir og hlutabréfaeign.

Miðað er við nettóeign (eignir mínus skuldir) samkvæmt skattframtali.

• Ef eignir eru lægri en neðri mörk fást óskertar bætur.

• Ef eignir eru hærri en efri mörk þá er enginn réttur til bóta.

• Ef eignir eru á milli neðri og efri marka eru bætur skertar hlutfallslega af upphæðinni sem fer yfir neðri mörkin.

Neðri skerðingarmörk: 13,9 milljónir.

Efri skerðingarmörk: 22,24 milljónir.

Tekjur

Tekjumörk fara eftir fjölda fólks á heimilinu.

• Ef tekjur eru lægri en neðri tekjumörk fást óskertar bætur.

• Ef tekjur eru hærri en efri mörk þá er enginn réttur til bóta.

• Ef tekjur eru á milli neðri og efri marka eru bætur skertar um 11% af upphæðinni sem fer yfir neðri mörkin.

Miðað er við samanlagðar skattskyldar tekjur allra á heimilinu (18 ára og eldri) fyrir skatt.

Tekjumörk frá 1. janúar 2026