Sækja um atvinnuleyfi

Það þarf að skila inn umsókn um framlengingu á tímabundnu atvinnuleyfi áður en fyrra leyfi rennur út. Við umsókn um framlengt atvinnuleyfi eru notuð sömu umsóknarform og þegar sótt er um fyrsta leyfi.

Umsókn um framlengingu þarf að uppfylla öll skilyrði hins tímabundna atvinnuleyfis og atvinnurekandi þarf að hafa staðið skil á staðgreiðslu skatta og tryggingagjaldi vegna starfa einstaklingsins. 

Umsókn um framlengt atvinnuleyfi þarf að leggja fram hjá Útlendingastofnun. 

Vilji einstaklingur með tímabundið atvinnuleyfi skipta um vinnustað þarf viðkomandi að skila inn umsókn um atvinnuleyfi til Útlendingastofnunar frá hinum nýja atvinnurekanda.

Það leyfi þarf að vera veitt áður en viðkomandi má hefja störf hjá nýjum atvinnurekanda.

Hefji starfsmaður með takmörkuð atvinnuréttindi störf áður en leyfi er veitt getur það leitt til þess að umsókn verði synjað.

Brot gegn lögunum geta varðað sektum eða fangelsi í allt að tvö ár. Það á við um bæði atvinnurekanda og einstaklinginn sem í hlut á. 

Á þetta við óháð því hvort áætlað sé að viðkomandi muni starfa hér á landi í skemmri eða lengri tíma. 

Atvinnurekendur bera ábyrgð á því að starfsmenn séu með tilskilin leyfi.

• Danskir, finnskir, norskir og sænskir ríkisborgarar.

• Ríkisborgarar landa sem eru hluti af EFTA, EES og samningi Íslands, Danmerkur og Færeyja.

Ríkisborgarar þessara ríkja eru undanþegnir atvinnuleyfi:

• Austurríki

• Belgía

• Búlgaría

• Danmörk

• Eistland

• Finnland

• Frakkland

• Færeyjar

• Grikkland

• Holland

• Írland

• Ítalía

• Króatía

• Kýpur

• Lettland

• Liechtenstein

• Litháen

• Lúxemborg

• Malta

• Noregur

• Pólland

• Portúgal

• Rúmenía

• Slóvakía

• Slóvenía

• Spánn

• Sviss

• Svíþjóð

• Tékkland

• Ungverjaland

• Þýskaland

Aðstandendur þurfa þó að fá útgefið dvalarleyfi hjá Útlendingastofnun til að dvelja löglega hér á landi.

• Með ótímabundið dvalarleyfi.

• Erlendir makar og sambúðarmakar íslenskra ríkisborgara og börn þeirra að átjan ára aldri.

• Hafa fengið dvalarleyfi á grundvelli alþjóðlegrar verndar.

• Eru í einkaþjónustu sendimanna erlendra ríkja.

• Hafa fengið dvalarleyfi á grundvelli vinnudvalar ungs fólks.

• Einstaklingar sem voru íslenskir ríkisborgarar frá fæðingu en hafa misst íslenskan ríkisborgararétt sinn.

• Dvalarleyfi á grundvelli mannúðarsjónarmiða.

• Dvalarleyfi á grundvelli sérstakra tengsla við landið.

• Erlendir makar og sambúðarmakar þeirra sem veitt hefur verið tímabundið atvinnuleyfi vegna starfs sem krefst sérfræðiþekkingar og börn þeirra að átján ára aldri.

Í vissum tilvikum geta störf útlendinga fallið undir undanþágu í lögum ef starfstímabil fer ekki yfir 90 daga á ári. Fari starfstímabil hins vegar yfir 90 daga þarf að sækja um og fá útgefið atvinnuleyfi.  

Frekari upplýsingar um þessa undanþágu eru í grein 23 í lögum um atvinnuréttindi útlendinga.

Ef tilkynning hefur ekki verið send til Vinnumálastofnunar telst einstaklingur ekki undanþeginn atvinnuleyfi þar sem ákvæði greinar 23 í lögunum teljast ekki uppfyllt. Getur það leitt til þess að viðkomandi starfsmaður verði stöðvaður og vísað frá á landamærum. 

Leiðsögumenn og hópstjórar frá löndum utan Evrópska efnahagssvæðisins

Leiðsögumenn

Vinsamlegast athugið að leiðsögumenn falla ekki undir undanþágu 23. gr. laganna og þurfa leiðsögumenn með ríkisfang utan Evrópska efnahagssvæðisins að sækja um tímabundið atvinnuleyfi hér á landi vegna starfa sinna á Íslandi. Það sama gildir um aðra starfsmenn í ferðaþjónustu sem ekki eru undanþegnir kröfu um atvinnuleyfi og sinna störfum sem almennt teljast falla innan íslenskra kjarasamninga og íslensks vinnumarkaðar. Nánari upplýsingar um réttindi og skyldur erlendra ferðaþjónustuveitenda með starfsemi á Íslandi er hægt að finna hér.

Hópstjórar

Hópstjórum frá löndum utan Evrópska efnahagssvæðisins sem fylgja hópum ferðamanna til og frá landinu falla undir undanþáguákvæði laganna vegna skammtímavinnu og er heimilt að vera við störf hér á landi í allt að 90 daga vegna viðskiptaerinda.

Hlutverk hópstjóra er einkum að fylgja hópnum til og frá landi og er í forsvari s.s. gangvart leiðsögumanni og öðrum innlendum þjónustuaðilum.

Þar sem um undanþáguákvæði er að ræða er nauðsynlegt að tilkynna um komu hópstjóra áður hann kemur til landsins. Með tilkynningu um komu þarf að skila inn upplýsingum um þá ferðaskrifstofu og/eða leiðsögumann sem mun annast leiðsögn hér á landi

Tilkynningin er send inn rafrænt með því að smella hér.

Leiðbeiningar við útfyllingu rafrænar tilkynningar

Athugið að senda þarf tilkynningu fyrir hvert tímabil sem undanþágan er nýtt.

Almennt teljast öll störf og atvinnugreinar á Íslandi falla undir kjarasamninga. Sjá nánar á vefsíðu ASÍ.

Sjálfboðavinna við efnahagslega starfsemi, framleiðslu og sölu á vöru eða þjónustu á markaði í hagnaðarskyni, oft í samkeppni við fyrirtæki í sömu atvinnustarfsemi, stenst hvorki kjarasamninga né lög.

Atvinnurekendum er því óheimilt að láta sjálfboðaliða sinna störfum sem almennt er greitt fyrir á íslenskum vinnumarkaði. Á Íslandi telst eingöngu heimilt að sinna sjálfboðaliðastörfum ef um er að ræða frjáls félagasamtök sem starfa að góðgerðarstarfsemi, menningarstarfsemi eða mannúðarstarfsemi sem ekki er rekin í hagnaðarskyni auk þess að vera undanþegin skattskyldu samkvæmt grein 4 í lögum um tekjuskatt.

Ráðningarsamningar sem kveða á um óhagstæðari kjör en samkvæmt kjarasamningum, teljast ógildir. Fyrir frekari upplýsingar og aðstoð skal hafa samband við viðeigandi stéttarfélag.

Auk framangreinds þurfa sjálfboðaliðar með ríkisfang utan Evrópska efnahagssvæðisins, EFTA-ríkjanna og Færeyja að sækja um dvalarleyfi hjá Útlendingastofnun, óháð lengd dvalar á Íslandi. Þetta er í samræmi við grein 67 í lögum um útlendinga.

Nánari upplýsingar um dvalarleyfi fyrir sjálfboðaliða má finna á vefsíðu Útlendingastofnunar hér.