Vefur vinnueftirlitsins vinnueftirlitid.is er nú á island.is. Þar með er stigið mikilvægt skref í átt að því markmiði stjórnvalda að stafræn samskipti, í gegnum island.is, verði megin samskiptaleið hins opinbera við almenning og fyrirtæki og að hægt sé að eiga þau samskipti á einum stað.

Vinnueftirlitið er stolt af því taka þátt í þeirri vegferð með öðrum opinberum stofnunum og miða þannig að því að veita notendum framúrskarandi þjónustu á skilvirkan og hagkvæman hátt.

Samhliða flutningnum hefur starfsfólk Vinnueftirlitsins yfirfarið allt efni með það fyrir augum að hafa það mannlegt, hvetjandi, skýrt og fræðandi. Er það von okkar að efnið gagnist atvinnurekendum, stjórnendum og starfsfólki í að stuðla að því að öll komi heil heim, starfævina á enda.