Vinnueftirlitið
Hvernig er hægt að skapa heilbrigða vinnustaðamenningu?
5. mars 2026
Málþing um hvernig hægt sé að skapa heilbrigða vinnustaðamenningu í skólum verður haldið í Háteig á Grand hoteli fimmtudaginn 12. mars næstkomandi.
Málþingið er haldið í framhaldi af samstarfsverkefni Vinnueftirlitsins, Kennarasambands Íslands og Sambands íslenskra sveitarfélaga um vinnustaðamenningu í leik- og grunnskólum 2023-2025. Kannanir sem framkvæmdar hafa verið á undanförnum misserum hafa gefið til kynna að starfsfólk í leik- og grunnskólum upplifir meira andlegt áreiti en starfsfólk í mörgum öðrum starfsgreinum, sem undirstrikar mikilvægi þess að hlúa þurfi sérstaklega að vellíðan þess og vinnuumhverfi.
Niðurstöður samstarfsverkefnis sýna að markvissar aðgerðir geta bætt vinnustaðamenningu og líðan starfsfólks. Tilgangur málþingsins er að miðla þeim lærdómi sem af verkefninu hlaust og gefa fleiri vinnustöðum tækifæri á að nýta hann.
Málþingið hefst klukkan 12.30 og stendur til 16:00.
Fundarstjóri verður: Mjöll Matthíasdóttir, formaður Félags grunnskólakennara.
Málþingið er öllum opið. Hægt verður að mæta á staðinn eða flylgjast með í streymi en nauðsynlegt er skrá þátttöku. Skráning fer fram hér.
Dagskrá
Tími | Erindi | Fyrirlesari |
|---|---|---|
12:30–12:40 | Opnun á málþingi | Hanna Sigríður Gunnsteinsdóttir, forstjóri Vinnueftirlitsins |
12:40-13:10 | Samstarfsverkefni um vinnustaðamenningu skóla - Hvernig gekk og hvað höfum við lært? | Dr. Sigrún Gunnarsdóttir, prófessor við Háskóla Íslands |
13:10-14:10 | Sunnulækjarskóli: Teymisvinna styrkir sálrænt öryggi, vellíðan starfsfólks og vinnustaðamenningu | Þátttökuskólar í samstarfsverkefninu fjalla um reynslu sína af verkefninu |
14:10-14:20 | Hagnýting verkefnisins: Hvað svo? | Friðný Björg Sigurðardóttir, mannauðsráðgjafi hjá Akureyrarbæ |
14:20–14:40 | Kaffihlé | |
14:40–15:10 | Stefna, aðhald og menning - Dugar að krossa fingur og vona það besta? | Kristín Gísladóttir, skólastýra á leikskólanum Uglukletti |
15:10–16:00 | ||
Vinnustaðamenning er ábyrgð okkar allra. Hver er lærdómurinn og hvað gerum við nú? | Dr. Anna Magnea Hreinsdóttir, lektor við Háskóla Íslands | |
Mikilvægi verkefnisins og lærdómur | Sigrún B. Björnsdóttir Kaaber, sérfræðingur í vinnuumhverfis- og jafnréttismálum hjá Kennarasambandi Íslands | |
Við verðum að horfa á heildarmyndina | Anna Ingadóttir, sérfræðingur á stjórnsýslusviði hjá Sambandi íslenskra sveitarfélaga |
Nánar um samstarfsverkefnið
Nánar má lesa um samstarfsverkefnið hér á vefnum. Þar má jafnframt nálgast skýrslu um hugmyndafræðilegan bakgrunn þess, framkvæmd og mat á árangri.