Miðstöð menntunar og skólaþjónustu

Heillaspor

Aðgengi að námi fyrir alla

Heillaspor er heildræn nálgun til að styðja við farsæla þátttöku barna í skóla- og frístundastarfi.

Heillaspor styðja við innleiðingu á tengsla- og áfallamiðaðri nálgun í inngildandi skóla- og frístundastarfi.

Heillaspor styðja við skólaþróun þar sem fræði og starfshættir á vettvangi eru tengd saman í gegnum sex leiðandi vörður Heillaspora.

Heillaspor hefur verið þýtt og staðfært að íslenskum aðstæðum samkvæmt samningi við Nurture International í Bretlandi.

Nurture International | Nurture | United Kingdom

Skólaþjónustur, skólar og frístundaþjónustur geta óskað eftir að hefja innleiðingu á Heillasporum.

Innleiðing Heillaspora nær yfir 2 ára tímabil.

Miðstöð menntunar – og skólaþjónustu veitir starfsfólki faglega handleiðslu og stuðning á innleiðingartímanum.

Leiðtogi Heillaspora er Bergdís Wilson

Hafa samband: heillaspor@midstodmenntunar.is

Leiðandi vörður Heillaspora eru styðjandi vegvísar að breyttum og nýjum starfsháttum.

Vörðurnar styðja við ígrundun starfsfólks inn á við með því að staldra við, kyrra hugann og fara á dýptina í að skoða eigin starfshætti, umhverfi, samskipti og viðhorf.

Vörðurnar leiða starfsfólk að þekkingu og skilningi á sínum eigin viðbrögðum og margbreytilegum þörfum barna og samstarfsfólks.

Vörðurnar veita starfsfólki áræðni til að leita nýrra leiða svo betur sé hægt að mæta þörfum barna og tryggja þeim tilfinningalegt öryggi.

Vörðurnar sex eru allar samofnar út frá vörðunni um tilfinningalegt öryggi sem er grundvöllurinn í Heillasporum.

Heillaspor byggja á kenningum Bowlby’s um tengslafræði og hversu djúpstæð áhrif bernskureynsla getur haft á þroska barna.
Heillaspor draga fram mikilvægi jákvæðra tengsla sem undirstöðu árangursríks náms og farsældar út frá hugmyndumVygotsky.
Heillaspor leggja ríka áherslu á vellíðan og tengslamyndun um leið og stutt er markvisst við þroska barna.
Heillaspor viðurkenna mikilvægi allra í skólasamfélaginu og hlutverk þeirra í að koma á áreiðanlegum, fyrirsjáanlegum og gefandi tengslum til að styðja við þróun félags- og tilfinningaþroska barna.
Heillaspor horfa heildrænt á skólaumhverfið og hlutverk þess í að skapa umvefjandi og kærleiksríkt skólasamfélag sem hefur trú á möguleikum allra til að ná árangri í námi og daglegu lífi.
Heillaspor leggja rækt við aðgengilega og inngildandi upplýsingagjöf til að styðja við öryggi barnsins og sjálfbærni í námsumhverfinu.

Tengslakenning Bowlby

Börn hafa líffræðilega þörf fyrir að mynda tengsl.

Með öruggum og traustum tengslum í barnæsku við lykil umönnunaraðila er lagður grunnur að færni barna til að mynda gefandi tengsl við aðra til framtíðar.

Tilfinningalegt ójafnvægi barna má rekja til reynslu af tengslum í bernsku.

Lykilþáttur í vellíðan barns er að hafa haft aðgengi að umönnunaraðila sem hefur sefað og róað taugakerfi barnsins þegar þörf var á.

(Bowlby, J., 1980)

Hugmyndir Vygotsky

Þroski og nám eiga sér stað í félagslegu samspili og í nánum tengslum við þá menningu sem barnið býr við.

Tungumálið er verkfæri barnsins til að skilja heiminn og gegnir lykilhlutverki við þróun á æðri hugsunar.

Þroski og nám eru hvorki aðskilin ferli né eins því þau gerast á ólíkum tíma.

Svæði hins mögulegs þroska (ZPD) felur í sér tvíþætt ferli þar sem skipulagt námsferli getur stutt við þroska með því að dýpka skilning og hugsun barnsins, sem getur síðan orðið grunnur að nýrri þekkingu og námi.

Þátttaka í félagslegu samspili í skipulögðu skólastarfi þar sem barnið fær tækifæri til að máta þekkingu sína í raunaðstæðum og setja hluti í samhengi er leið til bæði þroska og náms.

Crain, W.C., 2017.

Skref 1	Skref 2	Skref 3
Ítarlegt innri mat og greining á starfsháttum og menningu út frá leiðandi vörðum Heillaspora. Ígrundun, rýnihópur, spurningalisti, grunnmat	Innleiðingarteymi mótar áætlun með markmiðum og leiðum að breyttum starfsháttum og starfsþróun og fylgir eftir í stofnun. Ítarlegur stuðningur til að efla faglega visku í samfélaginu	Mat á stöðu stofnunnar í innleiðingu Heillaspora fer fram eftir 24 mánuði. Stofnunin fær staðfestingu frá MMS um að standast viðmið sem Heillaspora skóli

Skref 1

Skref 2

Skref 3

Ítarlegt innri mat og greining á starfsháttum og menningu út frá leiðandi vörðum Heillaspora.

Ígrundun, rýnihópur, spurningalisti, grunnmat

Innleiðingarteymi mótar áætlun með markmiðum og leiðum að breyttum starfsháttum og starfsþróun og fylgir eftir í stofnun.

Ítarlegur stuðningur til að efla faglega visku í samfélaginu

Mat á stöðu stofnunnar í innleiðingu Heillaspora fer fram eftir 24 mánuði.

Stofnunin fær staðfestingu frá MMS um að standast viðmið sem Heillaspora skóli

Nurtureuk (2020) The international journal of nurture in education. https://www.nurtureuk.org/wp-content/uploads/2021/10/Nurture-Journal-Vol6-2020-FInal.pdf

Bomber (2007). Inside I'm Hurting: Practical Strategies for Supporting Children with Attachment Difficulties in Schools. Worth Publishing.

Perry, B. D. (2001). Bonding and attachment in maltreated children. The Child Trauma Center, 3, 1-17.

Nurture International (2023). https://is.nurtureinternational.co.uk/whole-school-approach-for-learning

https://www.nurtureuk.org/

https://www.nurtureuk.org/wp-content/uploads/2021/10/Nurture-Groups-Booklet-Dec-2019.pdf

Bowlby, J., & Ainsworth, M. (2013). The origins of attachment theory. Attachment theory: Social, developmental, and clinical perspectives, 45(28), 759-775.https://www.nurtureuk.org/case_study/connah-story/

https://www.nurtureuk.org/impact/

Cooper, P., & Whitebread, D. (2007). The Effectiveness of Nurture Groups: Evidence from a National Research Study. Emotional and Behavioural Difficulties, 12(3), 171-190.

Cooper, P. A., R & Boyd, E. (2001). The effectiveness of nurture groups: preliminary research findings. British Journal of Special Education, 28(4), 160–166.

Estyn (2014). Attendance in Secondary Schools.

Sanders, T. (2007). Helping Children Thrive at School: The Effectiveness of Nurture Groups. Educational Psychology in Practice, 23(1), 45–61.

Miðstöð menntunar og skólaþjónustu

Heillaspor

Aðgengi að námi fyrir alla

Leiðandi vörður Heillaspora

Hvað felst í Heillasporum?

Kenningagrunnur

Þrepaskiptur stuðningur

Innleiðing Heillaspora felur í sér

Innleiðing Heillaspora nær yfir 2 ára tímabil

Ítarefni

Heimildir