Miðstöð menntunar og skólaþjónustu

MEMM - Menntun, móttaka, menning

Efnisyfirlit

MEMM er þróunarverkefni sem miðar að því að styðja við menntun og inngildingu barna með fjölbreyttan tungumála- og menningarbakgrunn í íslensku skóla- og frístundastarfi . Verkefnið var leitt af Mennta- og barnamálaráðuneyti frá 2024-2026 en hefur nú alfarið flust yfir til Miðstöðvar menntunar og skólaþjónustu. Lögð er áhersla á starfsþróun fyrir kennara og starfsfólk í leikskólum, grunnskólum og framhaldsskólum á landsvísu þróun verkfæra og námsefnis og boðið upp á ráðgjöf og stuðning við málaflokkinn innan sveitarfélaga og skóla. Hægt er að nálgast námsefni, verkfæri, leiðbeinandi móttökuáætlanir, fræðsluefni fyrir foreldra og fleira á Vefsíðu MEMM sem ætluð er kennurum og starfsfólki í skóla- og frístundastarfi.

Hægt er að senda fyrirspurn um þjónustu á netfangið memm@mms.is og senda inn beiðni í gegnum beiðnaformið hér neðst á síðunni.

MEMM byggir á þremur meginþáttum

Menntun: Að tryggja öllum börnum aðgengi og rétt til gæðamenntunar og námstækifæra óháð tungumála- og menningarbakgrunni.

Móttaka: Að koma á samræmdu verklagi um móttöku, menntun og þjónustu á landsvísu í leik-, grunn- og framhaldsskólum sem og í frístundastarfi.

Menning: Að stuðla að fjölmenningarlegu og inngildandi skólaumhverfi þar sem virðing, jafnræði og þátttaka eru í forgrunni.

Að þróa samræmda og heildstæða nálgun í móttöku og inngildingu barna með fjölbreyttan tungumála- og menningarbakgrunn í leikskólum, grunnskólum, framhaldsskólum og frístundastarfi.
Að þróa og innleiða öflugt stuðningskerfi fyrir kennara og annað fagfólk sem starfar með fjöltyngdum börnum og fjölskyldum þeirra.
Að tryggja gott aðgengi menntasamfélagsins að ráðgjöf, fræðslu og verkfærum til að auðvelda kennurum að mæta þörfum fjölbreyttra nemendahópa á faglegan og markvissan hátt.
Að auka skilvirkni og samhæfingu í móttöku og menntun fjöltyngdra barna um allt land í samvinnu við sveitarfélög og menntastofnanir.

Þörf fyrir samræmt verklag:
Þrátt fyrir að mörg sveitarfélög hafi þróað gagnlegar leiðir í móttöku og menntun barna með fjölbreyttan tungumála- og menningarbakgrunn, skortir heildstæða stefnu og samræmda nálgun á landsvísu.
Aukin margbreytileiki í íslensku skólasamfélagi:
Fjöldi barna með fjölbreyttan tungumála- og menningarbakgrunn eykst ár frá ári, sem kallar á markvissari nálgun og sérhæfðari stuðning við þennan nemendahóp.
Rannsóknir:
Niðurstöður rannsókna og reynsla í skóla- og frístundastarfi sýnir að snemmtæk íhlutun og markviss stuðningur hefur jákvæð áhrif á námsárangur og félagslega velgengni fjöltyngdra barna.
Skólasamfélagið kallar eftir breytingum:
Skólakerfið og sveitarfélögin hafa kallað eftir auknum stuðningi og betri verkfærum til að tryggja jöfn tækifæri fyrir alla nemendur.
Samstarf við fjölskyldur þvert á tungumál og menningu.
Foreldrar og börn hafa kallað eftir því að fá meiri tækifæri til virkrar þátttöku í íslensku samfélagi, betri námstækifærum og aðgengi að íslenskukennslu. Menntakerfið þarf að hafa frumkvæði að samskiptum við foreldra og tryggja að ólík menning og tungumál verði ekki að hindrun eða komi í veg fyrir þátttöku í foreldrasamstarfi.

Starfsþróun, fræðsla, ráðgjöf og stuðningur

Starfsþróun, fræðsla, ráðgjöf og stuðningur til sveitarfélaga og skóla sem hægt er að panta í gegnum beiðnakerfið hér fyrir neðan:

Boðið er upp á eftirfarandi:

Foreldrafræðsla á mismunandi tungumálum um íslenskt skólakerfi (arabísku, úkraínsku, spænsku, pólsku og ensku)
Brú milli landa: fyrir starfsfólk skóla um menningu í arabísku, úkraínsku, pólsku, spænsku, kúrdísku og filippísku með áherslu á skólakerfið í þessum löndum
Fjölmenning og inngilding
Fræðsla um fordóma og hatursorðræðu
Stikum af stað: stöðumat fyrir nýkomna nemendur
Íslenska sem annað mál í grunnskólum: kennsluaðferðir og efnisöflun
Íslenska sem annað mál: námsefni
Málstefnuvinna
Hæfnirammar fyrir fjöltyngd grunnskólabörn
Kynning á verkefnum líkt og Sammála og Samræðufélagar
Hæfnirammar fyrir fjöltyngd leikskólabörn
Mál og læsi í leikskólum með áherslu á fjöltyngi
Menningarmót og fjölbreytt tungumál í grunnskólum
Menningarmót og fjölbreytt tungumál í leikskólum
Menningarmót og fjölbreytt tungumál í framhaldsskólum

Beiðni til MEMM

Hér má sækja um fræðslu og ráðgjöf sem lítur að menntun, móttöku og menningu barna með fjölbreyttan tungumála- og menningarbakgrunn í leik- grunn- og framhaldsskólum. Þau sem geta sótt um eru: sveitarfélög/ skólaþjónustur, skólastjórnendur leik-, grunn og framhaldsskóla sem og deildarstjórar/áfangastjórar í grunn- og framhaldsskóla.

Fullt nafn þess sem sækir um

Netfang

Stofnun/skóli

Póstnúmer

Starfsheiti þess sem sækir um

Óskað er eftir

Stuðningi við stefnumótun

Fræðslu

Ráðgjöf Brúarsmiða

Ráðgjöf kennsluráðgjafa

Annað

Eru starfsmenn skólaþjónustu leik- og grunnskóla upplýstir um að sótt hafi verið um?

Ef nei, hvers vegna hefur ekki verið leitað eftir ráðgjöf þaðan?

Ef sótt er um vegna einstaklingsmála vinsamlega gerið stuttlega grein fyrir eðli máls og hvaða vinna hefur farið fram nú þegar. Er málið í samþættingu?

Annað sem þú vilt koma á framfæri?