Mikið af þeim verkefnum sem Miðstöð menntunar vinnur að snúa að eða tengjast þróun og innleiðingu stafrænna lausna. Það eru mörg verkefni í gangi en mörg þeirra tengjast og munu á endanum mynda ákveðna heild.

Nemendagrunnur

Hjá Miðstöð menntunar er í smíðum stafrænn gagnagrunnur sem heldur utan um alla nemendur landsins. Fyrsta útgáfan nemendagrunnsins er farin í loftið í grunnskólum en hann mun á endanum einnig ná yfir nemendur í leik- og framhaldsskólum, allt fram að háskólanámi.  Hér má finna stuðnings og kennsluefni fyrir stjórnendur í grunnskólum og þá sem sýsla með upplýsingar í nemendagrunninum. Þessi gagnagrunnur myndar ákveðinn grunn sem aðrar lausnir og verkefni tengjast.

Stafrænt prófakerfi

Í tengslum við fyrirlögn stafrænna prófa Matsferils er Miðstöð menntunar að innleiða notkun á stafrænni prófalausn sem kallast TAO.

Stafræn próf matsferils

Vorið 2025 lögðu 26 skólar fyrir stafræn próf í lesskilningi og stærðfræði í 4.-10. bekk. Þessi fyrirlögn var síðasta skrefið í stöðlun prófanna auk þess sem hún var notuð til að prófa kerfi, leiðbeiningar og til að safna upplýsingum sem geta nýst og liðkað fyrir fyrirlögn prófanna vorið 2026.

namsefni.is

Nýr vefur fyrir námsefni er vinnslu og það er stefnt að því að hann fari í loftið innan tíðar

adalnamskra.is

Nýr vefur aðalnámskrár er farinn og í loftið samhliða því að endurskoðun á Aðalnámskrá grunnskóla hefur tekið gildi.