Útgáfuár: nóvember 2025, 1. útg.

Um SNKN

Útgáfa á SNKN er svar við tillögu aðgerðar 1 í Niðurstöðum um mat á innleiðingu aðalnámskrár. SNKN er unnið af MMS að beiðni MRN og er aðgengilegt hér.

SNKN er gefið út sem starfsþróunarefni í formi texta, skýringarefnis og praktískra verkfæra. Áhersla er lögð á samræmingu hugtakanotkunar, vinnu með hæfniviðmið og matsviðmið, leiðsagnarmat, námsmat og vitnisburð.

Spurt og svarað um SNKN er aðgengilegt hér og upptaka frá kynningarfundum í desember 2025 eru aðgengileg hér.

Rafræn námskeið um SNKN eru opin öllum og aðgengileg hér.

Birting: október 2024. Gidistaka: ágúst 2025. Hlekkur á auglýsingu um breytingu á aðalnámskrá grunnskóla.

Um endurskoðun greinasviða

Mennta- og barnamálaráðuneytið fól Miðstöð menntunar- og skólaþjónustu verkefnaumboð um framkvæmd verkefnisins á tímabilinu 2022-2024. Endurskoðun greinasviða er svar við tillögu aðgerðar 2 í Niðurstöðum um mat á innleiðingu aðalnámskrár. Helstu upplýsingar um endurskoðun greinasviða eru aðgengilegar hér.

Innleiðing endurskoðaðra greinasviða

Miðstöð menntunar og skólaþjónustu var falið að skipuleggja og framkvæma innleiðingu endurskoðaðra greinasviða með útgáfu ýmis konar efnis í formi upptaka, myndbanda og rafræns heftis.

Haldnir voru fundir með skólastjórnendum og kennurum og eru upptökur frá fundunum aðgengilegar hér. Gefið var út kynningarhefti þar sem fram koma helstu breytingar á köflum 17-26 eftir endurskoðun greinasviða, sem er aðgengilegt hér. Gefin voru út myndbönd þar sem starfandi kennarar fóru yfir helstu breytingar á köflum 17-26 eftir endurskoðun greinasviða, sem eru aðgengileg hér. Leiðbeinandi innleiðingaráætlun vegna endurskoðaðra greinasviða er aðgengileg hér.

Birting: ágúst 2023 - tengill í auglýsingu

Kafli 7.15 Trúar- og lífsskoðanir í fjölmenningarsamfélagi er nýr kafli í aðalnámskrá grunnskóla og hluti af kafla 7 um nám og kennslu.

Kafli 16 Undanþágur frá aðalnámskrá, hefur verið endurbættur. Hann tekur á frávikum frá skyldunámi í tiltekinni námsgrein, viðurkenningu á námi utan grunnskóla, sjúkrakennslu, undnanþágu frá skólasókn, óskýrðum fjarvistum og skólaforðun og öðrum leiðum til að uppfylla skólasókn.

Gefið var út kynningarhefti þar sem áherslur kaflanna voru dregnar fram og settar í samhengi við ábyrgð og skyldur sveitarfélaga, skólastjóra, grunnskóla, foreldra og barna. Heftið er aðgengilegt hér.

Birting: ágúst 2023 - tengill í auglýsingu

Um endurskoðun kafla 7-10

Endurskoðunin miðaði að því að skýra nánar hlutverk leiksins sem námsleið leikskólans og hvernig meta megi viðhorf, líðan og stöðu barna með virkum og reglubundnum hætti.

Haldnir voru kynningarfundir um breytingar á köflum 7-10 í aðalnámskrá leikskóla og er upptaka aðgengileg hér.

Gefin var út handbók um leik barna í leikskóla sem er aðgengileg hér.