Mímir - Símenntun hefur umsjón með skráningu og gefur upplýsingar um íslenskupróf vegna umsóknar um íslenskan ríkisborgararétt.

English version of this website is here.

Skráning í prófið er rafræn - Skráning
Registration for the test is online - Registration

Haldin að vori í Reykjavík, Akureyri, Egilsstöðum og Ísafirði.
Haldin að hausti í Reykjavík og Akureyri.

Um prófið
Próf í íslensku fyrir umsækjendur um íslenskan ríkisborgararétt eru haldin tvisvar á ári, að vori og hausti. Prófið miðast við lokamarkmið í grunnnámi í íslensku fyrir útlendinga (240 stundir), samkvæmt námskrá menntamálaráðuneytisins sem samsvarar hæfni A2 á evrópska tungumálarammanum (Common European Framwork of Reference for Language: CEFR). Hér má sjá sjálfsmatsramma fyrir íslensku.

Umsækjandi þarf:

• að geta bjargað sér við daglegar aðstæður í skóla, vinnu og einkalífi;

• að geta bjargað sér við óvæntar aðstæður

• að hafa öðlast nægilegt vald á orðaforða til að geta tekið þátt í umræðum um kunnugleg málefni

• að geta skilið einfaldar samræður milli manna

• að geta lesið stutta texta á einföldu máli um kunnugleg efni

• að geta skrifað stuttan texta á einföldu máli um kunnugleg efni

• að geta greint aðalatriði í ljósvakamiðlum, sjónvarpi og útvarpi, þegar um kunnugleg efni er að ræða.

Prófið skiptist í fjóra (4) hluta: Hlustun, lestur, ritun og tal.
Ekki er gefin einkunn, heldur aðeins tilkynnt hvort próftaki hafi staðist eða EKKI staðist lágmarkskröfur.

Sýnispróf

Applying for Icelandic citizenship? Further information at www.utl.is