Verkefnið felur í sér fræðslu og foreldranámskeið innan leik- og grunnskóla, sem styðja foreldra í að takast á við uppeldisáskoranir með jákvæðum og markvissum hætti og efla samstarf heimila og skóla. Námskeiðin byggja á gagnreyndu og menningarnæmu efni, Tengjumst í leik (Invest in Play), sem hefur verið staðfært fyrir íslenskar aðstæður.

Markmiðið er að styðja foreldra í því að byggja upp tengslaríkt og styðjandi uppeldisumhverfi þar sem börn fá að dafna og þroskast í öryggi og samhljómi við heimili og skóla.

Tengjumst í leik námskeiðið miðar að því að veita foreldrum hagnýt verkfæri til að bæta samskipti, setja mörk með umhyggju og skapa jákvætt og öruggt fjölskylduumhverfi.

Hver tími hefur ákveðið þema sem styður við þroska barnsins og hlutverk foreldra, þar sem m.a. er fjallað um:

• Bjargráð sem efla sjálfstjórnun foreldra og draga úr streitu.

• Leik og jákvæða athygli sem byggja upp traust og tengsl.

• Samskipti sem styðja við nám, félags- og tilfinningaþroska barna.

• Umhyggjusöm og skýr mörk sem skapa fyrirsjáanleika og öryggi.

Uppbygging tímanna er fjölbreytt og skapar öruggt og virkt lærdómsumhverfi. Notast er við:

• Stutt fræðslumyndbönd.

• Umræður og reynsludæmi.

• Hagnýt verkefni og speglun.

• Samræður í litlum hópum eða pörum.

Reynsla og upplifun foreldra hérlendis og erlendis bendir til aukins öryggis og sjálfstrausts í uppeldi, minni streitu og jákvæðari hegðunar hjá börnum. Þau lýsa einnig bættum samskiptum innan fjölskyldunnar og nánara samstarfi við leik- og grunnskóla. Þátttakendur upplifa að þeir séu betur í stakk búnir til að styðja við nám, líðan og félagsfærni barna sinna.

Fræðslan er sniðin að aldri og þörfum barna og byggir á nýjustu þekkingu á áhrifum uppeldis og samvinnu heimilis og skóla. Starfsfólk leik- og grunnskóla, sem hefur viðeigandi menntun, fær þjálfun til að leiða námskeiðin.

Námskeiðin eru aðlöguð hverju samfélagi og nú nýtt í sjö löndum á átta tungumálum. Á Íslandi eru efni og myndbönd aðgengileg á íslensku. Verkefnið er hluti af því að efla grunnþjónustu fjölskyldna í samræmi við ný farsældarlög, með það að markmiði að skapa samhljóm milli uppeldis heima og í skólaumhverfi barna.

Verkefnið er rannsakað í rauntíma af doktorsnema við Háskóla Íslands í alþjóðlegu rannsóknarsamstarfi Invest in Play til að styðja áframhaldandi þróun og gæði innleiðingar.

Doktorsnemi
Lóa Guðrún Gísladóttir: lgg@hi.is

Mögulegur hagrænn ávinningur fyrir sveitarfélög felst í því að með auknum stuðningi við foreldra og bættri velferð barna megi draga úr kostnaði sem annars kann að falla til vegna hegðunarvanda, streitu og tengdra áskorana.

Föruneyti barna vinnur með sveitarfélögum og skólasamfélögum um land allt.

Hafa samband við Elsu Borg Sveinsdóttir verkefnastjóra (elsa@midstodmenntunar.is) fyrir spurningar eða samstarfsbeiðnir.