Um lyfjaskort er að ræða þegar apótek, lyfsalar eða heilbrigðisstofnun reyna að panta lyf hjá heildsala en það er ekki til á lager, þrátt fyrir að það eigi að vera fáanlegt á markaði. Þá er framboð lyfs ekki nægilegt til að anna eftirspurn eða þörf lyfjanotenda.

Lyfjastofnun hefur það hlutverk að hafa eftirlit með framboði lyfja þannig að lyfjaskortur hafi sem minnst áhrif á lyfjanotendur og heilbrigðiskerfið.