Lífeyrisgreiðslur falla niður vegna dvalar á stofnun

Lífeyrisgreiðslur falla niður:

• þegar gæsluvarðhald hefur náð 120 dögum,

• fyrsta dag næsta mánaðar eftir að afplánun dóms hefst.

Þú getur sótt um:

• ráðstöfunarfé

• dagpeninga þegar dvalið er utan stofnunar í 7 daga eða lengur

Lífeyrisgreiðslur hefjast aftur

Þegar afplánun lýkur fara lífeyrisgreiðslur frá TR aftur í gang frá fyrsta degi útskriftarmánaðar.

Þegar afplánun fer fram á áfangaheimili, til dæmis Vernd eða með rafrænu eftirliti, hefjast lífeyrisgreiðslur að nýju ef réttur til þeirra er enn til staðar.

Þegar afplánun lýkur, hefst á áfangaheimili eða fer fram í rafrænu eftirliti þarf að berast staðfesting frá Fangelsismálastofnun um það til TR áður en greiðslur hefjast á ný.

Meðlag og barnalífeyrir

Ef lífeyrisþegi er meðlagsskyldur og barnalífeyri er ráðstafað upp í meðlag heldur sú ráðstöfun áfram svo lengi sem réttur er til staðar.