Ráðstöfunarfé er ætlað að mæta öðrum kostnaði en kostnaði vegna dvalar á stofnun fyrir lífeyrisþega.
Upphæðin er 100.020 krónur á mánuði fyrir skatt.
Upphæðin er tekjutengd og útreikningur byggir á fyrirliggjandi tekjuáætlun hjá TR.
Athugið að aðeins lífeyrisþegar í afplánun þurfa að sækja um ráðstöfunarfé. Hjá öðrum sem eiga rétt á ráðstöfunarfé kemur það sjálfkrafa.
Almennar upplýsingar
Ráðstöfunarfé er tekjutengt og hafa eftirfarandi tekjur áhrif á upphæðina:
atvinnutekjur,
lífeyrissjóðstekjur,
fjármagnstekjur þínar og maka þíns,
Greiðslur falla niður þegar tekjur ná 153.877 krónur á mánuði fyrir skatt.
Tekjur sem hafa ekki áhrif á upphæðina eru til dæmis:
úttekt viðbótarlífeyrissparnaðar,
greiðslur frá félagsmálastofnun,
greiðslur frá sveitarfélögum.
Í uppgjöri TR á hverju vori er ráðstöfunarfé fyrra árs endurreiknað út frá staðfestu skattframtali líkt og aðrar lífeyrisgreiðslur. Því skiptir miklu máli að tekjuáætlun þín sé rétt.
Ráðstöfunarfé - algengar spurningar
Þjónustuaðili
Tryggingastofnun