Undanfarið ár hefur staðið yfir umfangsmikið breytinga- og samræmingarverkefni á svæfingadeildum Landspítala. Markmiðið er að tryggja að starfsfólk geti unnið óháð staðsetningu með sömu vinnuaðstöðu, sama búnað og sama verklag – sem er öryggismál þegar starfsfólk fer á milli deilda en mun einnig skipta miklu máli þegar deildirnar verða sameinaðar í nýjum meðferðakjarna. Eitt af þessum verkefnum var að samræma svæfingaborð á svæfingadeildunum í báðum húsum og er því verkefni að ljúka um þessar mundir.