Leiðbeiningar fyrir tæknitengiliði skóla vegna stöðu- og framvinduprófa Matsferils
Þjónustuaðili:
Hlutverk tæknitengiliða
Tæknitengiliður skóla gegnir lykilhlutverki í undirbúningi og framkvæmd stöðu- og framvinduprófanna. Meginverkefni tæknitengiliða eru eftirfarandi:
Yfirsýn yfir tækjabúnað: Að tryggja að skólinn eigi nægjanlegan fjölda tækja sem uppfylla tæknikröfur fyrir prófin.
Uppsetning hugbúnaðar: Að sjá til þess að nauðsynlegur hugbúnaður (Safe Exam Browser eða Kiosk stillingar) sé rétt uppsettur á öllum próftökutækjum tímanlega fyrir prófdag.
Aðstoð við skipulag: Að vinna með stjórnendum að niðurröðun prófdaga með tilliti til fjölda tækja og netgetu skólans.
Aðstoð við innskráningu: Að leiðbeina kennurum hvernig á að aðstoða nemendur við að skrá sig inn í prófið á prófdegi.
Viðbragð og stuðningur: Að vera til taks á meðan próf standa yfir (sérstaklega milli 08:00 og 14:30) til að leysa tæknileg vandamál sem upp geta komið.
Samskipti við MMS vegna tæknilegra örðugleika sem ekki leysast innan skóla:
Senda tölvupóst á hjalp@midstodmenntunar.is
Hringja í síma 514-7500
Efni kaflans
Hér er hægt að prenta gátlistann út
Tímanlega fyrir próf (undirbúningur)
Tækjaúttekt: Tryggja nægjanlegan fjölda tækja.
Uppfærslur: Stýrikerfi og vafrar uppfærðir (ChromeOS, iOS, Windows).
Uppsetning hugbúnaðar:
Chromebook: Kiosk stilling virkjuð í Admin Console.
iPad/Win: Safe Exam Browser (SEB) uppsettur.
Netprófun: https://taekjabunadur.mms.is
Þýðingarforrit í stærðfræðiprófi: Uppsetning á aukatækjum í læstum vafra (t.d. Guided Access í iPad).
Heyrnartól: Að tryggja nægan fjölda og yfirfara ástand heyrnartóla vegna upplestrar í stærðfræðiprófi.
Degi fyrir próf (lokaeftirlit)
Hleðsla: Öll tæki sett í hleðslu.
Prufa: Kveikt á einu tæki af hverri tegund og staðfest að prófakerfið opnist.
Á prófdegi (morgunverk)
Dreifing: Tæki og tól komin í stofur fyrir próf.
Viðbúnaður: Tæknitengiliður til taks á meðan próf eru í gangi.
Lykilorð út úr SEB: 1234.
Varabúnaður: 2-3 varatölvur tilbúnar og kveikt á þeim.