Umsókn um fullnaðarskírteini

Skilyrði vegna umsóknar um fullnaðarskírteini

Að uppfylltum skilyrðum er hægt að sækja stafrænt um fullnaðarskírteini hér fyrir ofan.
Umsækjandi þarf að:

• hafa verið með bráðabirgðaskírteini í að minnsta kosti eitt ár

• hafa lokið akstursmati hjá ökukennara

• hafa lokið Ökuskóla 3

• hafa fullnægjandi sjón og heyrn og líkamlega og andlega hæfni til að stjórna bíl

• hafa fasta búsetu á Íslandi

• hafa hvorki fengið punkta vegna umferðarlagabrota né verið sviptur ökuréttindum síðustu 12 mánuði

Umsóknarferli

Umsækjandi skráir sig inn með rafrænum skilríkjum og fyllir út umsókn

• Í umsókninni er hægt að sækja mynd og undirskrift úr skilríkjaskrá, að því gefnu að myndin uppfylli aldursskilyrði eða nota mynd sem þegar er til í ökuskírteinaskrá.

  • Ef þú hefur breytt nafni eða kyni þarf að endurnýja skilríki áður en hægt er að nýta mynd úr skilríkjaskrá eða koma með mynd og gefa undirskrift á skrifstofu sýslumanns.

  • Einstaklingar sem ekki uppfylla skilyrði fyrir útgáfu íslenskra skilríkja þurfa að skila inn mynd.

• Ef einni eða fleiri heilsufarsspurningu er svarað játandi þarf að skila inn læknisvottorði frá heimilislækni með í umsóknarferlinu, það er síðan yfirfarið og skírteini pantað.

Ef bráðabirgðaskírteinið þitt er að renna út og þú ert með punkt eða fullnægir ekki skilyrðum getur þú sótt um endurnýjun á bráðabirgðaskírteininu á skrifstofu sýslumanns og fengið annað þriggja ára skírteini.

Kostnaður

Greiða þarf ökukennara fyrir akstursmatið eftir gjaldskrá ökukennarans.
Fullnaðarskírteini kostar 8.600 krónur. Bráðabirgðaskírteini kostar 4.300 krónur.