Þegar þú skráir stöðu á kílómetragjaldi er reiknaður meðalakstur á keyrslu á milli seinustu tveggja skráninga. Við hverja skráningu er gert uppgjör fyrir tímabilið frá seinustu skráningu. Þá er gerður upp mismunur á því sem þú hefur greitt í fyrirframgreiðslu og hvað þú ættir að greiða miða við raunakstur.

Ef þú hefur:

• greitt of mikið færðu endurgreitt og á upphæðina reiknast inneignarvextir. Ef þú skuldar ríkissjóði gengur endurgreiðslan upp í skuldina hvort sem skuldin er vegna kílómetragjalds eða annarra gjalda.

• greitt of lítið færðu reikning fyrir mismuninum að viðbættu 2,5% álagi á ársgrundvelli.