Metan er orkugjafi bíls og hann er skráður í skráningarskírteini eins og aðrir orkugjafar. Um hann gilda sömu reglur og um aðra orkugjafa. Eldsneytisgeymar fyrir metangas eru svokallaðir þrýstikútar og eru þeir skoðaðir í reglubundnum skoðunum og mælst er til þess að fagaðilar séu látnir fylgjast með þeim reglulega á líftíma bílsins. Leyfilegt er að hætta notkun metankerfis sem sett var í eftirá (gildir bara í þeim tilvikum). En þá skal búnaðurinn (að minnsta kosti þrýstikútarnir) fjarlægður og bíllinn færður til breytingaskoðunar til að láta fjarlægja metan sem orkugjafa úr skráningarskírteini.