Með starfsþróun er átt við samfellt ferli sem miðar að því að auka og efla færni og þekkingu starfsfólks í takt við starfsemi og stefnu stofnunar.

Heimilt er að gera breytingar á störfum starfsfólks eða flytja starfsfólk til í starfi. Flutningur á milli starfa getur bæði komið að frumkvæði starfsfólks eða stofnunar.

Starfsfólk ríkisins getur sótt um að starfa eða stunda nám tímabundið á sínum starfsvettvangi hjá ríkisstofnunum annars staðar á Norðurlöndum.

Í kjarasamningum er samið um greiðslu í fræðslu-, starfsþróunar- og sí- og endurmenntunarsjóði stéttarfélaganna. Um er að ræða sjóði sem veita starfsfólki ríkisins og/eða ríkisstofnunum/ráðuneytum styrk til fræðslu, starfsþróunar og sí- og endurmenntunar.