Starfsþróunaráætlun stofnunar er ætlað að skapa umgjörð fyrir markvissa og stefnumiðaða starfsþróun. Þannig mótar hún ramma um fræðslumál og tryggir að stofnunin hafi á að skipa starfsfólki sem hefur nauðsynlega hæfni og þekkingu svo hún geti sinnt hlutverki sínu og náð settum markmiðum í starfseminni.

Vel unnin starfsþróunaráætlun stofnunar stuðlar að því að síður sé fjárfest í fræðslu og þjálfun sem ekki samrýmist heildarstefnu og markmiðum í rekstri. Þannig fæst betri yfirsýn yfir þörf á starfsþróun, skilvirkni eykst og kostnaðarstjórnun styrkist.

Innihald starfsþróunaráætlunar stofnunar.

• Greining á hlutverki, markmiðum og verkefnum

• Mat á þekkingu og færni sem stofnunin þarf að búa yfir á hverjum tíma

• Aðgerðaráætlun

• Ábyrgðaraðilar

• Leiðir við að kynna starfsþróunaráætlun á stofnun

• Aðferðir við greiningu fræðsluþarfa (s.s. starfsmannasamtal eða hæfnigreining)

• Viðmið um kostnaðarskiptingu og styrkhæfi verkefna

• Mat á árangri

• Endurskoðun