Sjóðirnir eru ólíkir hvað varðar starfsemi þeirra, umsóknarferli og styrktarfjárhæð og því er mikilvægt að skoða hvaða sjóður það er sem hægt er að sækja um í út frá stéttarfélagsaðild. Markmið sjóðanna er meðal annars að

• efla starfs- og símenntun starfsfólks svo að það verði færari til að takast á við sífellt fjölbreyttari verkefni og að

• auka möguleika stofnana á að þróa starfsvið sitt þannig að það samræmist þeim kröfum sem gerðar eru til stofnana á hverjum tíma.

Heiti sjóðanna geta verið mismunandi eftir stéttarfélögum. Þeir kallast t.d. fræðslusjóðir, starfsþróunarsjóðir, símenntunarsjóðir, endurmenntunarsjóðir, starfsmenntasjóðir, starfsmenntunarsjóðir, þróunarsjóður, vísindasjóðir, rannsóknarsjóðir, fagsjóðir, félagsmannasjóðir, menntasjóðir, menntunarsjóðir, mannauðssjóðir, starfsþróunarsetur, fræðslusetur, menntasetur o.s.frv. Einnig er þetta kallað starfsmenntunarstyrkir, námsstyrkir eða starfsþróunarstyrkir.