Styrkþegi hefur vinnuskyldu meðan á skiptidvölinni stendur og ber honum að fylgja reglum þeirrar stofnunar sem hann dvelur hjá um vinnutíma og sinna þeirri vinnu sem honum er falin.

Á þetta við um allar þær reglur sem gilda á staðnum svo sem þagnarskyldu. Sé þess krafist, skal styrkþeginn undirrita reglur þeirrar stofnunar sem dvalið er hjá, um þagnarskyldu o.fl.

Verði rof á dvöl starfsmanns skal fjármála- og efnahagsráðuneytinu tafarlaust tilkynnt um það.

Innan tveggja mánaða eftir heimkomu skal styrkþegi senda skýrslu til fjármála- og efnahagsráðuneytisins um dvölina. Úrdráttur úr skýrslum styrkþega er sendur til Norrænu ráðherranefndarinnar, en þar er safnað saman upplýsingum frá öllum styrkþegum og sameiginlegt mat lagt á ávinninginn af starfsmannaskiptunum. Styrkþegi fær sendan rafrænan gátlista og eyðublað að dvöl lokinni fyrir skýrslugjöf.