Starfatorg - laus störf hjá ríkinu

Landsréttur auglýsir lausa til umsóknarstöðu dómvarðar í fullt starf. Starfið felur í sér fjölþætt öryggis- og þjónustuhlutverk við dómstólinn.

Hugverkastofan leitar að öflugum einstaklingi með brennandi áhuga á nýsköpun og hugverkum í starf lögfræðings. Í boði er spennandi starf í nútímalegu umhverfi þar sem lögð er áhersla á teymisvinnu hjá metnaðarfullri stofnun sem starfar í alþjóðlegu umhverfi.

Hefur þú brennandi áhuga á samfélagsmiðlum og áhrifum þeirra á hugmyndir fólks? Hefur þú tekið eftir öllum þeim breytingum sem orðið hafa með tilkomu nýrra miðla og tæknibreytinga? Hefur þú velt fyrir þér samfélagsmiðlanotkun barna og ungmenna og áhrifum þeirra?

Ertu að velta fyrir þér hvernig upplýsingar dreifast og samspili fjölmiðla og samfélagsmiðla? Hefur þú tekið eftir öllum þeim breytingum sem orðið hafa á því hvernig almenningur myndar sér skoðun með tilkomu nýrra miðla og tæknibreytinga?

Við leitum að metnaðarfullum háskólanemum í sumar. Störfin fela í sér vinnu í fjölbreyttum verkefnum á sviði jarðfræði, jarðeðlisfræði, jarðefnafræði og verkfræði. Verkefni geta falið í sér ýmsar mælingar og rannsóknir úti í mörkinni og þátttöku í faglegum rannsóknarverkefnum.

Náttúruverndarstofnun óskar eftir að ráða skipulagðan og metnaðarfullan einstakling í verkefnastýringu framkvæmdaverkefna á friðlýstum svæðum. Verkefnin eru fjölþætt en felast einkum í uppbyggingu innviða og landvarðahúsa og utanumhaldi því tengdu.

Þjóðskjalasafn Íslands óskar eftir að ráða þjónustulundaðan skjalavörð til starfa á miðlunar- og rannsóknarsvið safnsins. Starfið snýr að afgreiðslu og svörun fyrirspurna frá viðskiptavinum Þjóðskjalasafns ásamt þátttöku í öðrum verkefnum safnsins eftir þörfum og atvikum.

Viltu ganga til liðs við okkur hjá Vinnueftirlitinu? Við leitum að sjálfstæðum og drífandi einstaklingi í sumarstarf í þjónustumiðjunni okkar. Um tímabundið starf er að ræða sumarið 2026. Jákvætt, opið og lausnarmiðað hugarfar eru eiginleikar sem við leitum að.

Mannréttindastofnun Íslands leitar að einstaklingi til að starfa við réttindagæslu fatlaðs fólks. Starfið felur í sér bein og fagleg samskipti við einstaklinga, þar á meðal símtöl, vettvangsheimsóknir, leiðbeiningar og eftirfylgni í málum sem varða réttindi einstaklinga.

Mannréttindastofnun Íslands auglýsir lausa til umsóknar fjölbreytta stöðu sérfræðings. Starfið felur í sér lykilverkefni tengd rekstri, fjármálum, áætlanagerð og upplýsingamiðlun. Við leitum að drífandi og fjölhæfum einstaklingi með breiða þekkingu og reynslu og hugarfar grósku.

Hjá lögreglustjóranum í Vestmannaeyjum eru lausar til umsóknar tímabundnar stöður lögreglumanna til sumarafleysinga . Ráðningartímabil er frá 1. júní til 31. ágúst 2026.

Heilbrigðisstofnun Austurlands (HSA) óskar eftir að ráða aðstoðarmann í eldhúsi á hjúkrunarheimilinu Uppsölum á Fáskrúðsfirði. Starfshlutfall er 78% eða samkvæmt samkomulagi. Staðan veitist frá 1.maí eða eftir samkomulagi. Vinnutími er kl. 8-16 og önnur hvor helgi.