Dómvörður

Landsréttur auglýsir lausa til umsóknarstöðu dómvarðar í fullt starf.

Starfið felur í sér fjölþætt öryggis- og þjónustuhlutverk við dómstólinn.

• Öryggisgæsla og þjónusta við þá sem erindi eiga í dómhúsið

• Umsjón og eftirlit með öryggiskerfum og öðrum öryggismálum hússins

• Almenn húsvarsla, þar með talið minni háttar viðhald

• Umsjón með dómsölum, þar á meðal tæknileg úrvinnsla er varðar hugbúnað og vélbúnað

• Innkaup á rekstrarvörum

• Önnur tilfallandi verkefni

• Iðnmenntun er kostur sem og önnur menntun sem nýtist í starfi

• Reynsla af löggæslu- eða öryggisstörfum er kostur

• Líkamlegt og andlegt atgervi til að mæta óvæntum uppákomum í starfseminni

• Hæfni í mannlegum samskiptum, rík þjónustulund og sveigjanleiki

• Góð íslenskukunnátta

• Almenn tölvufærni

Starfskjör eru í samræmi við kjarasamning ríkisins og Sameykis. Æskilegt er að viðkomandi geti hafið störf sem fyrst.

Þeir sem áhuga hafa á starfinu eru hvattir til að sækja um óháð kyni. Með umsókn skal fylgja ítarleg starfsferilskrá ásamt kynningarbréfi þar sem gerð er grein fyrir ástæðum umsóknar og hvernig viðkomandi uppfyllir hæfniskröfur.

Umsækjandi kann að verða beðinn um að framvísa sakavottorði í ráðningarferlinu. Hafi umsækjandi verið fundinn sekur um refsiverða háttsemi getur það orðið til þess að viðkomandi teljist ekki hæfur til að gegna starfi hjá dómstólnum.

Áskilið er að umsóknir og fylgigögn berist rafrænt á netfangið landsrettur@landsrettur.is. Umsóknir gilda í allt að sex mánuði. Öllum umsóknum verður svarað þegar ákvörðun um ráðningu í starfið liggur fyrir.