Útlendingastofnun er ein af undirstofnunum dómsmálaráðuneytisins og starfar samkvæmt lögum um útlendinga, lögum um íslenskan ríkisborgararétt og reglugerð um útlendinga.

Útlendingalöggjöfin gildir um heimild útlendinga til að koma til landsins og dvelja hér á landi en útlendingur telst hver sá sem ekki er íslenskur ríkisborgari samkvæmt lögum um íslenskan ríkisborgararétt.

Umfangsmestu þættirnir í starfsemi Útlendingastofnunar eru:

• Afgreiðsla umsókna um dvalarleyfi.

• Afgreiðsla umsókna um alþjóðlega vernd.

• Afgreiðsla umsókna um íslenskan ríkisborgararétt

• Útgáfa ferðaskírteina fyrir flóttamenn og vegabréfa fyrir útlendinga.

• Ákvarðanir um frávísanir og brottvísanir.