Þjóðskjalasafn Íslands varðveitir samkvæmt lögum ýmis konar persónuupplýsingar. Hluti þessara upplýsinga eru viðkvæmar persónuupplýsingar svo sem um fjárhag og heilsufar. Vinnsla þessara upplýsinga, það er skráning, varðveisla og miðlun er hluti af lögbundnum skyldum stofnunarinnar.

Þjóðskjalasafn Íslands gætir fyllstu varúðar við meðferð allra persónuupplýsinga. Öll vinnsla persónuupplýsinga hjá Þjóðskjalasafni skal vera í samræmi við gildandi persónuverndarlög og almennu evrópsku persónuverndarreglugerðina.

Hægt er að hafa samband við persónufulltrúa Þjóðskjalasafns með tölvupósti á netfangið personuvernd@skjalasafn.is. Þeir sem telja að vinnsla persónuupplýsinga hjá Þjóðskjalasafni brjóti gegn rétti sínum geta sent erindi og kvörtun til Persónuverndar.

Persónuverndarstefna Þjóðskjalasafns

Þjóðskjalasafn Íslands hefur sett sér persónuverndarstefnu sem byggir á lögum um persónuvernd og vinnslu persónuupplýsinga. Stefnan var samþykkt af framkvæmdastjórn 17. desember 2021. Í stefnunni er fjallað um tilgang vinnslu persónuupplýsinga, meðhöndlun viðkvæmra persónuupplýsinga, öryggi og miðlun. Þá skal tryggt að allar persónuupplýsingar sem Þjóðskjalasafn safnar, nýtir eða vinnur með öðrum hætti, séu meðhöndlaðar í samræmi við persónuverndarlögin.