Innskráning sem fyrirtæki /félag

Einstaklingar sem eru prókúruhafar fyrirtækja, félagasamtaka eða opinberra aðila geta skráð sig inn á Mínar síður viðkomandi rekstrar á Ísland.is og veitt umboð og aðgangsstýringarréttindi þaðan.

Ef þú sérð ekki þína prókúruhafa-skráningu á Mínum síðum þarftu að hafa samband við Fyrirtækjaskrá Skattsins. Prókúruhafar geta síðan veitt öðrum aðgang og aðgangsstýringarréttindi.

Auðvelt er að breyta eða afturkalla umboð og aðgangsstýringarréttindi, til dæmis ef starfsmaður hættir störfum.

Innskráning sem stofnun/opinber aðili

Opinberir aðilar þurfa að skrá prókúruhafa hjá Skattinum til þess að fá aðgang að Mínum síðum og Umboðskerfi Ísland.is. Þegar sú skráning er virk geta prókúruhafar séð gögn á Mínum síðum og veitt umboð og aðgangsstýringarréttindi þaðan.

• Þú skráir þig inn með þínum persónulegu rafrænu skilríkjum á Mínar síður.

• Þú skiptir um notanda með því að smella á nafnið þitt í efra hægra horni og velur: Skipta um notanda.

• Þá birtast þeir aðilar og fyrirtæki sem þú hefur aðgang að.

Prókúruhafar geta síðan veitt öðrum aðgang og aðgangsstýringarréttindi í gegnum Umboðskerfi Ísland.is.

Auðvelt er að breyta eða afturkalla aðgang og aðgangsstýringaréttindi, til dæmis ef starfsmaður hættir störfum.

Veita umboð / aðgangsstýringarréttindi

Prókúruhafar fyrirtækja, félagasamtaka og stofnana geta veitt öðrum umboð með Umboðskerfi Ísland.is. Það er gert í nokkrum einföldum skrefum:

Veita öðrum aðgangsstýringarréttindi fyrir hönd prókúruhafa

Prókúruhafar geta einnig gefið einstaklingum aðgangsstýringarréttindi, með þeim getur viðkomandi veitt öðrum aðgang að Mínum síðum fyrir hönd prókúruhafans. Það er gert í nokkrum einföldum skrefum:

• Þú skráir þig inn á Mínar síður sem fyrirtæki (eða skiptir yfir á fyrirtækið í hægra efra horni).

• Velur Rafræn umboð.

• Velur þann aðila sem veita á aðgangsstýringarréttindi, hakar í Aðgangsstýring og merkir hvaða gögn sá aðili á að geta séð og gefið öðrum aðgang að.

Sá sem fær aðgangsstýringarréttindi getur í kjölfarið skráð sig inn fyrir hönd fyrirtækisins og veitt öðrum aðgang að ákveðnum gögnum þess.

Afturkalla umboð

Einstaklingur sem hefur veitt öðrum umboð getur alltaf afturkallað umboðið í nokkrum einföldum skrefum.

Einstaklingurinn sem áður hafði umboð mun ekki lengur getað skráð sig inn fyrir hönd fyrirtækisins, og fær sjálfvirka tilkynningu þess efnis.

Veita öðrum umboð á pappír

Erlendir prókúruhafar, sem eiga ekki íslensk rafræn skilríki, geta skráð einstakling á Íslandi til þess að sinna málum fyrir hönd síns rekstrar. Með umboðinu getur sá einstaklingur til að mynda haft aðgengi að upplýsingum og framkvæmt ýmsar aðgerðir fyrir hönd erlenda prókúruhafans.

Þetta getur verið gagnlegt fyrir erlenda prókúruhafa fyrirtækja sem þurfa að annast ýmis málefni á Íslandi en geta ekki nýtt sér rafræn skilríki. Með þessu umboði er veittur aðgangur að öllum gögnum lögaðilans hjá stofnunum sem nýta umboðskerfi Ísland.is, meðal annars gögnum í Stafrænu pósthólfi á Mínum síðum og ýmsum upplýsingum sem snúa að eignum og fjármálum. Umboðið felur jafnframt í sér heimild til að senda inn umsóknir í nafni lögaðilans hjá þeim stofnunum sem nýta sér Umboðskerfið.

• Aðeins erlendir prókúruhafar geta veitt umboð til annara einstaklinga á pappír, ekki er tekið á móti umsóknum íslenskra prókúruhafa með lögheimili á Íslandi.

• Erlendir prókúruhafar þurfa að skila inn afriti af vegabréfi með umsókninni.

• Þetta umboð veitir aðeins aðgang að stafrænum þjónustum opinberra aðila sem hafa tengst Umboðskerfi Ísland.is, en ekki öðrum þjónustum eða kerfum. Yfirlit yfir aðila sem tengst hafa kerfinu er að finna undir hnappnum Rafræn umboð á Mínum síðum.

Þú sækir um í nokkrum einföldum skrefum:

Erlendi prókúruhafinn getur afturkallað umboðið hjá Sýslumanni. Þá þarf viðkomandi að mæta á skrifstofu sýslumannsembættis, í eigin persónu, með gild persónuskilríki.

Sýslumenn veita nánari upplýsingar um þessa þjónustu.