Innskráningarþjónusta Ísland.is býður örugga innskráningu fyrir vefkerfi opinberra aðila.

Innskráningarkerfið er byggt upp á þeirri hugmyndafræði að það er alltaf einstaklingur sem auðkennir sig með rafrænum skilríkjum og mun því ekki deila sameiginlegum aðgangi. Það að einstaklingurinn sé alltaf auðkenndur er mikilvægt upp á öryggi og rekjanleika.

Innskráningarþjónustan er í boði fyrir opinbera aðila sem flokkaðir eru sem A-hluta stofnanir og eru ekki í samkeppnisrekstri, auk sveitarfélaga. Einkaaðilum ásamt opinberum félögum (ohf.) sem teljast að hluta til starfa á samkeppnismarkaði af einhverju tagi stendur þjónustan ekki til boða.

Innskráning fyrir hönd annarra

Þegar einstaklingur hefur auðkennt sig, sækir kerfið þær heimildir sem notandinn hefur fyrir vefsvæðið sem hann er að skrá sig inn í. Lesa má nánar um innskráningu fyrir hönd annarra með því að kynna sér umboðskerfið.

Skilmálar

Þjónustuskilmálar Stafræns Íslands um innskráningarþjónustu og umboðskerfi, auk tengdra samninga og viðauka, mynda samkomulag þjónustuveitanda og þjónustuþega um þjónustuna. Með því að nota þjónustuna samþykkir þjónustuþegi skilmálana.